Rahul Dravid : शारीरिक ताकद नाही तर... कोच राहुल द्रविड दक्षिण अफ्रिका दौरा सर्वात आव्हानात्मक असं का म्हणाला?

Rahul Dravid : भारतीय संघ येत्या 10 डिसेंबरपासून दक्षिण अफ्रिकेत टी 20, वनडे आणि कसोटी मालिका खेळणार आहे. भारतीय संघ नुकताच दक्षिण अफ्रिकेत दाखल झाला आहे. भारतीय संघाची हा दौरा डर्बन येथील पहिल्या टी 20 सामन्याने सुरू होणार आहे. या संघाचे नेतृत्व सूर्यकुमार यादव करणार आहे.

दरम्यान, भारताचा प्रशिक्षक राहुल द्रविडने दक्षिण अफ्रिका दौऱ्याबाबत आपली मते पत्रकार परिषदेत सांगितली. दक्षिण अफ्रिकेतील खेळपट्ट्या या फलंदाजांसाठी आव्हानात्मक असतात त्यामुळे फलंदाजांनी जबाबदारीने फलंदाजी करणे अपेक्षित आहे असं राहुल म्हणला.

'इथे फलंदाजी करणे आव्हानात्मक असते. आकडे तुम्हाला हेच सांगून जातात. फलंदाजी करण्यासाठी ही जागा सर्वात अवघड ठिकाणांपैकी एक आहे. विशेषकरून सेंच्युरियन आणि जोहान्सबर्गमध्ये मोठं आव्हान असतं. कायम खेळपट्टी काही ना काही करत असते. चेंडू वर खाली राहतो.'

'प्रत्येक खेळाडूकडे इथं कसं खेळायचं याचा प्लॅन असेल. जोपर्यंत ते याबाबत स्पष्टपणे विचार करत आहेत, त्याता सराव करत आहेत. तोपर्यंत हा प्लॅन ठिक आहे.' राहुल द्रविड म्हणाला की, अफ्रिकेत खेळण्यासाठी शारिरीक सक्षमता नाही तर मानसिक सक्षमता अधिक कामी येते.