Ramiz Raja Singer Yohani Video : पाकिस्तान क्रिकेट बोर्डाचे माजी चेअरमन रमीझ राजा हे सध्या समालोचनाच्या जगात रमले आहेत. पीसीबीचे चेअरमनपद सोडल्यानंतर त्यांनी पुन्हा माईक हातात घेतला आहे. ते सध्या श्रीलंका प्रीमियर लीगमध्ये माईक हातात घेऊन समालोचन करत आहे. मात्र या दरम्यान, त्यांच्यातील एक सुप्त गुण देखील सर्वांसमोर आला.
श्रीलंका प्रीमियर लीगमध्ये अनेक पाकिस्तानी क्रिकेटपूट सहभागी झाले आहेत. याचबरोबर पीसीबीचे माजी चेअरमन रमीझ राजा हे देखील समालोचक म्हणून श्रीलंकन प्रीमियर लीगला चार चांद लावण्याचा प्रयत्न करत आहेत. यावेळी त्यांनी आपल्या गाण्याचं छुपं टॅलेंट दाखवत सर्वांना आश्चर्यचकीत केलं. (Ramiz Raja Sri Lanka Premier League)
रमीझ राजांचा हा सिंगिंग व्हिडिओ सध्या सोशल मीडियावर चांगलाच व्हायरल होत आहे. ते प्रसिद्ध श्रीलंकन गायिका योहानी सोबत तिचं गाजलेलं गाणं मानिके मागे हिते याचे हिंदी व्हर्जन गायले. (Ramiz Raja Singing Video News)
रमीझ राजा यांना पीसीबी चेअरमन पदावरून गेल्या वर्षी डिसेंबरमध्ये हटवण्यात आलं होतं. त्यानंतर त्यांच्या जागी नजम सेठी हे अंतरिम चेअरमन जाले होते. रमीझ राजांचे पद हे इंग्लंडने कसोटी मालिकेत पाकिस्तानला पाकिस्तानातच 3 - 0 असा व्हाईट वॉश दिल्यानंतर गेलं होतं.
रमीझ राजा हे पीसीबीचे चेअरमन म्हणून 15 महिने पदावर होते. त्यांची नियुक्ती ही तत्कालीन पंतप्रधान इम्रान खान यांनी सप्टेंबर 2021 मध्ये केली होते.
रमीझ राजा हे पीसीबीचे 36 वे चेअरमन होते. त्यांनी एहसान मनी यांच्याकडून पदाची सूत्रे स्विकारली होती. ते चौथे पाकिस्तानचे माजी क्रिकेटपटू आहेत ज्यांनी पीसीबीचे चेअरमन पद भुषवले. यापूर्वी इजाझ बट्ट (2008-11), जावेद बुराकी (1994-95), अब्दुल हाफिज कारदार (1972-77) या माजी खेळाडूंनी पीसीबी चेअरमन पद भुषवलं होतं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.