Rani Rampal Retirement: भारतीय महिला हॉकी संघाची माजी कर्णधार राणी रामपाल हिने गुरुवारी निवृत्तीचा निर्णय घेतला. १६ वर्षांच्या कारकिर्दीनंतर तिने हॉकीला अलविदा केला. टोकियो ऑलिंपिकमध्ये भारतीय महिला संघाने चौथ्या स्थानापर्यंत मजल मारली होती. राणी रामपाल हिची ही सर्वोत्तम कामगिरी ठरली.
राणी रामपाल याप्रसंगी म्हणाली, देशासाठी मी प्रदीर्घ काळ खेळेन, असे वाटले नव्हते. त्यामुळे हॉकीमधील कारकीर्द ही माझ्यासाठी संस्मरणीय ठरली आहे. लहानपणापासूनच हलाखीचे दिवस अनुभवले, पण ध्येय केव्हाही डगमगले नाही. देशाचे प्रतिनिधित्व करण्याचा सर्वोत्तम प्रयत्न केला. अखेर माझे स्वप्न साकार झाले.
