Ranji Trophy 2024 Vidarbha vs Maharashtra : रणजी क्रिकेट स्पर्धेत महाराष्ट्र संघाचा पाय अधिक खोलात गेला तर दुसऱ्या बाजूला विदर्भ संघाने आपली स्थिती अधिक बळकट करुन २३१ धावांची आघाडी घेतली.
गहुंजे येथील स्टेडियमवर सुरु असलेल्या या सामन्यात पहिल्या दोन्ही दिवसांवर विदर्भने वर्चस्व राखले आहे. महाराष्ट्राला कालच्या पहिल्या दिवश २०८ धावांवर गुंडाळल्यावर आज दिवस अखेर ६ बाद ४३९ धावांपर्यंत मजल मारली.
मुळचा कर्नाटकचा असलेला माजी कसोटीवीर करुण नायरने नाबाद १२८ धावांची खेळी केली. त्याचप्रमाणे मुळचा दिल्लीचा असलेल्या ध्रुव शौरे याचे ९१ तर अक्षय वाडकरने ९० धावांची खेळी केली.
कालच्या १ बाद १११ धावांवरुन आज खेळ पुढे झाल्यावर महाराष्ट्राच्या गोलंदाजांना दिवसभरात केवळ पाचच फलंदाज बाद करता आले तर विदर्भाच्या फलंदाजांनी ३२८ धावां फटकावल्या. काल ५५ धावांवर नाबाद असलेल्या शौरेचे शतक आठ धावांनी हुकले मात्र त्यानंतर फलंदाजीस आलेल्या करुण नायरने नाबाद १२८ धावांची खेळी केली.
सहाव्या क्रमांकावर फलंदाजी करणाऱ्या यष्टीरक्षक फलंदाज अक्षय वाडकरचेही शतक दहा धावांनी हुकले, परंतु त्याने ९० धावांसाठी १०१ चेंडू घतले आणि १२ चौकार मारले.
महाराष्ट्राला बाद फेरीच्या आशा जिवंत ठेवायच्या असतील तर या सामन्यासह पुढच्या लढतींतही बोनस गुणांसह निर्णायक विजयाची आवश्यकता आहे.
संक्षिप्त धावफलक ः महाराष्ट्र, पहिला डाव ः २०८. विदर्भ, पहिला डाव ः ६ बाद ४३९ (ध्रुव शौरे ९२, करुण नायर खेळत आहे १२८, यश राठोड ४२, अक्षय वाडकर ९०, प्रदीप दाधे ९७-२, अक्षय पालकर १००-२)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
