Ravindra Jadeja Family Dispute : भारताचा अष्टपैलू खेळाडू रविंद्र जडेजा नुकताच कौटुंबिक वाद चव्हाट्यावर आल्यानंतर चर्चेत आला. रविंद्र जडेजाचे वडील अनिरूद्धसिंह जडेजा यांनी दिव्य भास्कर या गुजराती वर्तमानपत्राला मुलाखत दिली होती. त्या मुलाखतीत त्यांनी सून रिवाबा आणि रविंद्र जडेजाशी आमचा काही संबंध नाही असं वक्तव्य केलं होतं. आता रविंद्र जडेजाचे 2012 मधील एक ट्विट तुफान व्हायरल होत आहे.
रविंद्र जडेजाचे वडील अनिरूद्धसिंह जडेजा आपल्या मुलाखतीत म्हणाले की, 'रिवाबाने माझ्या मुलावर अशी काय जादू केली आहे माहिती नाही.' दरम्यान, रविंद्र जडेजाचे एक जुने ट्विट सध्या सोशल मीडियावर व्हायरल होत आहे. रविंद्र जडेजाने 12 वर्षापूर्वी ट्विट केले होते की, 'जो रोज त्याच्या पालकांच्या पाया पडतो त्याला आयुष्यात दुसऱ्याचे पाय धरायची गरज लागत नाही.'
रविंद्र जडेजाच्या वडिलांची मुलाखत प्रसिद्ध झाल्यापासून सोशल मीडिायवर लोकं रविंद्र जडेजाचे हे जुने ट्विट शेअर करत प्रश्न विचारत आहेत. जुना जड्डू कुठं गेला आता असं काय झालं?, हा जड्डू आम्हाला आवडायचा आता त्याला काय झालं. तुझ्यासारखा व्यक्ती कुटुंबाच्याविरूद्ध जाईल असं वाटलं नव्हतं. अशा प्रतिक्रिया येत आहेत.
रविंद्र जडेजाने वडिलांची मुलाखत प्रसिद्ध झाल्यानंतर स्पष्टीकरण दिलं. तो म्हणाला की, या मुलाखतीत काय बोललं गेलं त्याकडे लक्ष देऊ नका. हा माझ्या पत्नीची प्रतिमा मलिन करण्याचा प्रयत्न आहे.'
जडेजा म्हणाला की, 'मुलाखतीत सांगितलेल्या गोष्टी खऱ्या नाहीत, एकतर्फी आहेत. मी सर्व आरोप फेटाळून लावतो. हा माझ्या पत्नीची प्रतिमा मलिन करण्याचा प्रयत्न आहे. मला देखील खूप काही बोलायचं आहे. मात्र मी ते सार्वजनिक ठिकाणी बोलणार नाही.'
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
