Ravindra Jadeja : भारताचा दक्षिण आफ्रिकेविरूद्धच्या पहिल्या कसोटीत डावाने पराभव झाला. यानंतर संघावर टीका होत आहे. रोहित शर्माच्या रणनिती आणि संघ निवडीबाबतही बोललं जात आहे. पहिल्या कसोटीत भारताने फिरकीपटू म्हणून रविचंद्रन अश्विनला संधी दिली होती. रविंद्र जडेजाला दुखापत झाल्यामुळे तो पहिला सामना खेळू शकला नाही. आता रविंद्र जडेजा दुसऱ्या सामन्यासाठी फिट झाल्याचे सांगण्यात येत आहे.
पहिल्या कसोटीपूर्वी रविंद्र जडेजाला पाठीची दुखापत झाली होती. त्यामुळे त्याला पहिल्या सामन्यासाठी विश्रांती देण्यात आली. आता तो दुसऱ्या कसोटी सामन्यात प्लेईंग 11 मध्ये दिसण्याची शक्यता आहे. पहिल्या कसोटीत दक्षिण आफ्रिकेने भारताचा एक डाव आणि 32 धावांनी पराभव केला. आफ्रिकी तोफखाण्यासमोर भारताची भंबेरी उडाली होती.
India.com ने दिलेल्या वृत्तानुसार रविंद्र जडेजा 3 जानेवारीपासून सुरू होणाऱ्या दुसऱ्या कसोटीत खेळणार आहे. पहिल्या कसोटीच्या तिसऱ्या दिवशी रविंद्र जडेजाने वॉर्म अप केलं. त्यामुळे तो दुसऱ्या कसोटीत खेळण्याची आशा पल्लवीत झाली आहे. पीटीआने दिलेल्या माहितीनुसार जडेजाने 30 ते 40 मीटर स्प्रिंट मारली. याचबरोबर त्याने काही फिटनेस ड्रील देखील केले. तिसऱ्या दिवशीच्या सकाळच्या सत्रात त्याने सहभाग देखील घेतला होता.
भारताला आजूनही दक्षिण आफ्रिकेत कसोटी मालिका जिंकता आलेली नाही. पहिल्या कसोटीत पराभव झाल्याने याहीवेळी भारताची इतिहास बदलण्याची संधी वाया गेली आहे. पहिल्या कसोटीत दक्षिण आफ्रिकेच्या डीन एल्गरने 185 धावांची धडाकेबाज खेळी केली होती. कगिसो रबाडाने पहिल्या डावात 5 विकेट्स घेतल्या. तर मार्को येनसेनने 83 धावांच्या खेळीसह दुसऱ्या डावात 4 विकेट्स घेऊन अष्टपैलू कामगिरी केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
