सातारा - आंतरराष्ट्रीय स्तरावर उल्लेखनीय कामगिरी करून महाराष्ट्राचे नाव उज्ज्वल केलेल्या खेळाडूंना व त्यांच्या मार्गदर्शकांना राज्य शासन प्रोत्साहनपर पारितोषिक देऊन त्यांचा गौरव करते. या स्पर्धांमध्ये उज्ज्वल कामगिरी करून देखील एखादा खेळाडू पात्रतेच्या निकषामुळे प्रोत्साहनपर पारितोषिकापासून वंचित राहू नये, यासाठी राज्य शासनाने नुकतेच पात्रता निकषांमध्ये नवीन सुधारणा केली आहे.
राज्य शासनाने पात्रतेच्या निकषांमध्ये काही नियमांचा ऑक्टोबर २०१८ मध्ये नव्याने समावेश केला होता. या निकषांमध्ये पुन्हा जुलै २०२४ मध्ये अंशतः बदल केला आहे. यामध्ये सर्व स्पर्धेतील सांघिक स्पर्धा असल्यास आठ देशांचे संघ असणे आवश्‍यक आहे, तसेच वैयक्तिक क्रीडा प्रकारात आठ देशांचे खेळाडू संबंधित खेळ प्रकाराच्या स्पर्धेत, वयोगटात सहभागी असणे आवश्‍यक आहे.
तथापि ऑलिंपिक क्रीडा स्पर्धा, आशियाई क्रीडा स्पर्धा तसेच कॉमनवेल्थ क्रीडा स्पर्धा या स्पर्धांमध्ये सहभागी खेळाडूंना प्रोत्साहनपर पारितोषिक रक्कम देताना सांघिक, वैयक्तिक क्रीडा प्रकारात सहभागी संघांची, देशाची अट आवश्‍यक असणार नाही, असे नव्या अध्यादेशात नमूद केले आहे.
नव्या नियमामुळे ऑलिंपिक क्रीडा स्पर्धा, आशियाई क्रीडा स्पर्धा तसेच कॉमनवेल्थ क्रीडा स्पर्धेत एखाद्या खेळाडूने उज्ज्वल कामगिरी केल्यास त्याला प्रोत्साहनपर पारितोषिक मिळण्याचा मार्ग सुकर झाला आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.