Rinku Singh : भारताचा नवा मॅच फिनिशर रिंकू सिंहसाठी ऑस्ट्रेलियाविरूद्धची टी 20 मालिका ही स्वप्नवत राहिली आहे. त्याने प्रत्येक सामन्यात चांगल्या स्ट्राईक रेटने धावा केल्या. चौथ्या सामन्यात रिंकूने 29 चेंडूत 46 धावा केल्या. त्याला मालिकेतील आपला पहिलाच सामना खेळणाऱ्या जितेश शर्माने 19 चेंडूत 35 धावा करत त्याला चांगली साथ दिली.
भारताने पहिल्यांदा फलंदाजी करत 9 बाद 174 धावा केल्या. त्यानंतर कांगारूंना 154 धावात रोखत सामना 20 धावांनी जिंकला याचबरोबर भारताने मालिका खिशात टाकली. रिंकूने या सामन्यात ऋतुराज गायकवाडसोबत डाव सावरला होता.
यावेळी रिंकू नवव्या षटकात फलंदाजीला आला होता. त्यानंतर ऋतुराज गायकवाड बाद झाल्यावर त्याने डावाला आकार दिला. या खेळीदरम्यान रिंकूने 100 मीटर लांब षटकार मारला होता. हा या मालिकेतील सर्वात लांब मारलेला षटकार ठरला.
दरम्यान, सामना झाल्यानंतर रिंकूलाला जितेश शर्माने काही प्रश्न विचारले, त्यावेळी बोलताना रिंकू म्हणाला की, 'मी खूप काळापासून खेळत आहे. गेल्या 5 ते 6 वर्षापासून मी आयपीएल खेळतोय. त्यामुळे माझा आत्मविश्वास वाढला. मी स्वतःवर विश्वास ठेवतो आणि शांत राहण्याचा प्रयत्न करतो.'
जितेश शर्मा बोलताना म्हणाला की, मी ज्यावेळी फलंदाजीला आलो त्यावेळी दबावात होतो. तो रिंकूला म्हणाला की, 'तू पहिलीच मालिका खेळतोस असं वाटलं नाही. मी ज्यावेळी फलंदाजीला आलो त्यावेळी दबावात होतो. मात्र तू खूप शांत होतास आणि सहजतेने शॉट मारत होतास.'
इशान किशनच्या ऐवजी संधी मिळालेल्या जितेश शर्माने सांगितले की रिंकूने त्याला शांत राहण्यास मदत केली. यासाठी त्याने रिंकूचे आभार देखील मानले. जितेश म्हणाला की, 'तू मला कायम सांगत होतास की शांत रहा आणि कोणताही दबाव घेऊ नको.'
रिंकू आपल्या 100 मीटर लांब षटकार मारण्याबाबत देखील वक्तव्य केलं. त्याला एवढ्या लांब षटकार मारण्याचं रहस्य विचारण्यात आलं. त्यावेळी तो म्हणाला की, मला वजन उचलायला आवडतं त्यातून मला ताकद मिळते.'
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
