Rishabh Pant: "माणुसकी नाही का..." पंतला अ‍ॅम्बुलन्समधून नेताना बहिणीचा संयम सुटला; व्हिडीओ व्हायरल

Rishabh Pant Health Update : भारतीय क्रिकेट संघाचा स्टार यष्टीरक्षक फलंदाज ऋषभ पंतचा शुक्रवारी भीषण अपघात झाला. या अपघातात पंत गंभीर जखमी झाला आहेत. मात्र अपघातानंतर लगेचच त्याला जवळच्या रुग्णालयात उपचारासाठी दाखल करण्यात आले. डिव्हायडरला धडकल्यानंतर कारने पेट घेतला. पण सुदैवाने त्यावेळी तो कारमधून बाहेर पडला होता.

त्यानंतर ऋषभ पंत चांगल्या उपचारासाठी डेहराडूनच्या मॅक्स हॉस्पिटलमध्ये हलवण्यात आल्याची बातमी आली. डॉक्टरांनी सांगितले की डोळ्याच्या वर 2 कट आहेत. पाठीची त्वचा खराब झाली आहे आणि पायाचा लिगामेंट फाटला आहे. जेव्हा त्याला डेहराडूनच्या मॅक्स हॉस्पिटलमधून चांगल्या उपचारांसाठी मुंबईला हलवले जात होते. त्यावेळी मीडियावाल्यांची गर्दी पाहून ऋषभच्या बहिणीचा संयम सुटला. याचा एक व्हिडिओ सोशल मीडियावर व्हायरल होत आहे.

ऋषभ पंतच्या चांगल्या उपचारांसाठी त्याला डेहराडूनहून मुंबईतील धीरूभाई अंबानी रुग्णालयात दाखल करण्यात आले. जेथे तो बीसीसीआयच्या डॉक्टरांच्या देखरेखीखाली असणार आहे. पंतला हॉस्पिटल मधुन बाहेर आणताच मीडिया कर्मचार्‍यांनी त्यांची झलक पाहण्यासाठी डेहराडूनमधील हॉस्पिटलचा परिसर घेरला होता.

त्याचवेळी पंत यांची बहीण साक्षी पंत यांनी रुग्णवाहिकेच्या बाहेर उभ्या असलेल्या लोकांवर आरडाओरडा केला. याचा एक व्हिडिओ सोशल मीडियावर मोठ्या प्रमाणात व्हायरल होत आहे. आपला संयम गमावून तो म्हणाला, माणुसकी आहे का नाही तुमच्यात...