Rafael Nadal Retirement: टेनिसमध्ये रॉजर फेडरर आणि राफेल नदाल हे कोर्टवर जरी कट्टर प्रतिस्पर्धी असले, तरी कोर्टबाहेर त्यांची घट्ट मैत्री आहे. अनेक रोमांचक सामन्यांमध्ये त्यांच्यातली चुरस दिसली आहे, तर अनेक घटनांमधून त्यांच्यातील मैत्रीही सर्वांसमोर आली आहे.
जवळपास दोन दशके या दोन्ही प्रतिस्पर्ध्यांनी गाजवली. बरेच फायनल्स एकमेकांविरुद्ध खेळले आहेत. दरम्यान फेडररने २०२२ च्या अखेरी टेनिसमधून निवृत्ती घेतली. त्यावळी नदालही त्याच्यासोबत होता. आता नदालही टेनिसला अलविदा करण्यास सज्ज आहे.
नदालने काही दिवसांपूर्वीच आगामी डेव्हिस कप फायनल्सनंतर निवृत्ती घेत असल्याचे स्पष्ट केले होते. आता त्याच्या निवृत्तीबद्दल रॉजर फेडररने नदालसाठी भावनिक पत्र लिहिलं आहे. यामध्ये त्याने अगदी सुरुवातीपासून ते आत्तापर्यंत अनेक महत्त्वाच्या घटनांचा उल्लेख केला आहे.
