Rohan Bopanna-Matthew Ebden lost in US Open 2024: अमेरिकन ओपन टेनिस ग्रँडस्लॅममधील पुरुष दुहेरी विभागातील भारताचे आव्हान सोमवारी संपुष्टात आले. रोहन बोपण्णा-मॅथ्यू एब्डेन या जोडीला निराशेचा सामना करावा लागला.
मॅक्सिमो गोंझालेझ व आंद्रेस मोलतेनी या अर्जेंटिनाच्या जोडीने रोहन-मॅथ्यू या जोडीवर ६-१, ७-५ अशी मात केली. रोहन-मॅथ्यू ही जोडी दुसरी मानांकित होती. मॅक्सिमो-आंद्रेस ही जोडी १६वी मानांकित होती. त्यामुळे अमेरिकन ओपन स्पर्धेतील हा धक्कादायक निकाल ठरला.
रोहन बोपण्णा-मॅथ्यू एब्डेन या जोडीने यावर्षी ऑस्ट्रेलियन ओपन ग्रँडस्लॅम जिंकण्याची किमया करून दाखवली होती. रोहन याने डेव्हिस करंडकात न खेळण्याचा निर्णय घेतला आहे. त्यामुळे आता तो पुढल्या वर्षी ऑस्ट्रेलियन ओपनमध्ये सहभागी होतो की नाही यावर प्रश्‍नचिन्ह निर्माण झाले आहे.
