सबस्क्राईब करा
Rohit Sharma 10000 ODI Runs : भारताचा कर्णधार रोहित शर्माने आशिया कपमधील श्रीलंकेविरूद्धच्या सुपर 4 सामन्यात 22 वी धाव करत एक मोठा माईलस्टोन पार केला. रोहित शर्माने वनडे क्रिकेटमधील आपल्या 10000 धावा पूर्ण केल्या असून तो वनडेत अशी कामगिरी करणारा भारताचा 6 वा फलंदाज ठरला आहे.
आशिया कप 2023 च्या सुपर 4 मधील आपल्या पहिल्या सामन्यात भारताने पाकिस्तानचा 228 धावांनी पराभव करत धडाकेबाज सुरूवात केली. मात्र या सामन्यात पावसाचा व्यत्यय आल्याने सामना राखीव दिवशी खेळवावा लागला.
त्यानंतर भारतीय संघाला लगेचेच दुसऱ्या दिवशी श्रीलंकेविरूद्धच्या सामन्यासाठी सज्ज व्हावे लागले. श्रीलंकेविरूद्धच्या सामन्यात भारताने नाणेफेक जिंकून प्रथम फलंदाजी करण्याचा निर्णय घेतला. भारताकडून सलामीवीर रोहित शर्मा आणि शुभमन गिल यांनी पुन्हा भारताला दमदार सुरुवात करून दिली.
विशेष म्हणजे आक्रमक खेळणाऱ्या रोहित शर्माने षटकार मारत आपल्या वनडेमधील 10000 धावा पूर्ण केल्या. रोहित शर्मा हा भारताचा वनडेमध्ये 10000 धावा पूर्ण करणारा सहावा फलंदाज ठरला आहे. यापूर्वी भारताकडून सचिन तेंडुलकर, सौरव गांगुली, राहुल द्रविड, एमएस धोनी आणि विराट कोहली यांनी वनडे क्रिकेटमध्ये 10000 धावा करण्याचा कारनामा केला होता.
रोहित शर्माने 241 वनडे डावात 49.14 च्या सरासरीने 10000 धावा केल्या आहेत. त्याचे स्ट्राईक रेट 90.91 इतके आहे. रोहितने वनडे क्रिकेटमध्ये 30 शतके आणि 50 अर्धशतके ठोकली आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
