Rohit Sharma Virat Kohli : भारत आणि वेस्ट इंडीज यांच्यातील पहिला वनडे सामना हा आज (दि. २७) बार्बाडोस येथे होत आहे. या सामन्यापूर्वी भारताचा कर्णधार रोहित शर्माने पत्रकार परिषद घेतली. या पत्रकार परिषदेत त्याला विराट कोहलीबाबतच्या विदेशातील फॉर्मबाबत प्रश्न विचारण्यात आला. विराट कोहलीने नुकतेच वेस्ट इंडीज विरूद्धच्या कसोटी मालिकेत शतकी खेळी केली आहे. त्याने 5 वर्षानंतर विदेशात शतकी खेळी केली. (India Vs West Indies 1st ODI)
पत्रकार परिषदेत रोहितला विराट कोहलीच्या फॉर्मबाबत प्रश्न विचारण्यात आला. यावेळी रोहितला विराट मोठी खेळी करू शकत नव्हता ही एक डोकेदुखी होती का असे विचारण्यात आले. (Rohit Sharma Press Conference)
यावर रोहित भडकला आणि म्हणाला, 'मी या प्रश्नाचे अनेकवेळा उत्तर दिले आहे. या सर्व बाहेरच्या गोष्टी आहेत. आमच्या संघात काय होते हे आम्ही जाणतो. आम्ही या गोष्टींकडे लक्ष देत नाही. आम्हाला सामना आणि मालिका जिंकण्याशी मतलब आहे. कोण काय म्हणतंय याचा आम्हाला काही फरक पडत नाही.' (Virat Kohli News)
रोहित शर्माचे कसोटी पाठोपाठ वनडे मालिका देखील खिशात घालण्याचा इरादा आहे. तो म्हणाला की, 'यावेळी प्राथमिकता ही वनडे मालिका जिंकण्याकडे आहे. आम्ही अनेकवेळा सांगितले आहे की संघातील गोष्टी आम्ही संघात ठेवू इच्छितो पुढेही असंच होईल.'
विराट कोहलीने पोर्ट ऑफ स्पेनमध्ये आपला 500 वा आंतरराष्ट्रीय सामना खेळला. या सामन्यात त्याने शतकी खेळी केली होती. त्याने 2018 नंतर पहिल्यांदाच विदेशात शतकी खेळी केली.
भारताने विंडीजविरूद्धच्या दोन कसोटी सामन्यांच्या मालिकेतील पहिला कसोटी सामना एक डाव आणि 141 धावांनी जिंकला होता. दुसऱ्या दसोटीत देखील भारत विजयी मार्गावर होता. मात्र पाचव्या दिवशी संपूर्ण खेळ पावसामुळे वाया गेला. यामुळे कसोटी सामना ड्रॉ झाला. भारताने मालिका 1 - 0 अशी जिंकली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
