Rohit Sharma Injured : टी-20 विश्वचषकाच्या उपांत्य फेरीत 10 नोव्हेंबरला टीम इंडियाचा सामना इंग्लंडशी होणार आहे. या महत्त्वाच्या सामन्यापूर्वी टीम इंडियाला मोठा धक्का बसला आहे. कर्णधार रोहित शर्मा सरावादरम्यान जखमी झाला आहे. सरावादरम्यान रोहित शर्माच्या उजव्या हाताला दुखापत झाली.
भारतीय संघाचा कर्णधार रोहित शर्माला इंग्लंडविरुद्धच्या उपांत्य फेरीच्या सामन्यापूर्वी नेटमध्ये फलंदाजी करताना मनगटाची दुखापत झाली होती. कर्णधार रोहित शर्माच्या उजव्या हाताच्या मनगटावर दुखापत झाली. मात्र, आता रोहित शर्माने पुन्हा सराव सुरू केला आहे. कर्णधार रोहित शर्माची दुखापत किती गंभीर आहे, याचा अंदाज बांधता येणार नाही. पण रोहित शर्माची दुखापत गंभीर झाल्यास इंग्लंडविरुद्धच्या उपांत्य फेरीपूर्वी टीम इंडियाला मोठा धक्का बसू शकतो. भारतीय क्रिकेट चाहत्यांसाठीही ही निराशाजनक बाब असेल.
उपांत्य फेरीत टीम इंडिया 10 नोव्हेंबरला इंग्लंडविरुद्ध खेळणार आहे. टी-20 विश्वचषक स्पर्धेत ब गटातून भारत आणि पाकिस्तानने उपांत्य फेरीत धडक मारली आहे. त्याचबरोबर न्यूझीलंड आणि इंग्लंडचे संघ अ गटातून पोहोचले आहेत. पहिला उपांत्य सामना 9 नोव्हेंबरला न्यूझीलंड आणि पाकिस्तान यांच्यात होणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
