भारत आणि वेस्ट इंडीज (India vs West Indies) यांच्यातील टी 20 मालिकेला उद्यापासून ( दि. 16) सुरूवात होत आहे. या पार्श्वभूमीवर भारतीय संघाचा (Indian Cricket Team) कर्णधार रोहित शर्मा (Rohit Sharma) पत्रकार परिषदेला सामोरा गेला. यावेळी त्याला विराट कोहलीच्या खराब बॅटिंग (Virat Kohli Batting Form) फॉर्मबाबत प्रश्न विचारण्यात आला त्यावेळी त्याने माध्यामांनाच फटकारले. त्याने सांगितले की संघ व्यवस्थापनाला विराट कोहलीच्या फॉर्मबाबत कोणतीही काळजी नाहीये.
विराट कोहलीला वेस्ट इंडीज बरोबरच्या वनडे मालिकेत 3 सामन्यात फक्त 26 धावा करता आल्या. त्याने 2015 पासून पहिल्यांदाच एका द्विपक्षीय मालिकेत 50 पेक्षा कमी धावा केल्या आहेत. विराटच्या या खराब फॉर्मच्या बाबतीत रोहित शर्माला विचारणा झाली. त्यावेळी त्याने 'मला वाटते की हे माध्यमांनीच सुरू केलं आहे. तुमच्या बाजूने जी काही बडबड सुरू आहे ती थांबली तर प्रत्येक गोष्टीची काळजी घेतली जाईल.'
रोहित पुढे म्हणाला की, 'मला असे वाटते की तो चांगल्या स्थितीत आहे. तो गेल्या दशकापासून आंतरराष्ट्रीय क्रिकेट खेळतो आहे. त्यामुळे त्याला परिस्थिती कशी हाताळायची याची जाण आहे. त्यामुळे जे काही सुरू केलं आहे ते तुम्ही सुरू केलं आहे. तुम्ही जर शांत बसला तर सगळ्या गोष्टी व्यवस्थित होतील.'
रोहित वनडे मालिका (ODI Series) झाल्यानंतर पत्रकार परिषदेत हास्यविनोद करत म्हणाला होता की, 'विराट कोहलीला अजून आत्मविश्वासाची गरज आहे का? जर विराट कोहलीला आत्मविश्वासाची गरज असेल तर मग संघातील कोणता खेळाडू आत्मविश्वासाने भरलेला असेल? त्याला माहिती आहे की त्याने बराच काळापासून शतक ठोकलेले नाही मात्र तो अर्धशतक तरी करतोय की नाही. दक्षिण आफ्रिकेत त्याने 3 सामन्यात 2 अर्धशतके ठोकली आहेत.'
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
