Rohit Sharma Ram mandir consecration ceremony : भारताचा कर्णधार रोहित शर्माला अयोध्येतील राम मंदिरातील रामल्ललांच्या प्राणप्रतिष्ठा सोहळ्याचे निमंत्रण पोहचले होते. मात्र रोहित शर्माने अयोध्येतील राम मंदिर प्राणप्रतिष्ठा सोहळ्याला जाण्याचं टाळलं. रोहित शर्मा आज सकाळी राजीव गांधी स्टेडियममध्ये सराव केला.
भारत आणि इंग्लंड यांच्यातील पहिला कसोटी सामना हा हैदराबाद येथे 25 जानेवारी रोजी होणार आहे. रोहित शर्मा आणि श्रेयस अय्यर रविवारी रात्री हैदराबादमध्ये दाखल झाले. ते सोमवारी इन डोअर स्टेडियममध्ये सराव करणार होते.
दरम्यान, भारताचा माजी कर्णधार विराट कोहली रविवारीच अयोध्येत दाखल झाला होता. त्याने आज राम मंदिरातील रामलल्लांच्या प्राणप्रतिष्ठा सोहळ्याला उपस्थिती लावली. भारताचा अष्टपैलू खेळाडू रविंद्र जडेजा देखील या सोहळ्याला उपस्थित होता.
भारत आणि इंग्लंड यांच्यातील पाच कसोटी सामन्यांच्या मालिकेत भारतीय संघ मायदेशातील विजयी घोडदौर कायम राखण्यासाठी प्रयत्नशील असेल. भारताने 2012 पासून भारतात कसोटी मालिका गमावलेली नाही. 2012 मध्ये इंग्लंडनेच भारताचा भारतात पराभव केला होता.
रोहित शर्मा (कर्णधार), जसप्रीत बुमराह, शुभमन गिल, यशस्वी जयस्वाल, विराट कोहली, श्रेयस अय्यर, केएल राहुल, केएस भरत, ध्रुव जुरेल, रविचंद्रन अश्विन, रविंद्र जडेजा, अक्षर पटेल, कुलदीप यादव, मोहम्मद सिराज, मुकेश कुमार, आवेश खान.
बेन स्टोक्स (कर्णधार), रेहान अहमद, जेम्स अँडरसन, गस अॅटकिन्सन, जॉनी बेअरस्टो, शोएब बशीर, हॅरी ब्रूक, झॅक क्राऊली, बेन डकेट, बेन फोक्स, टॉम हार्ट्ली, जॅक लिच, ओली पॉप, ऑली रॉबिन्सन, जो रूट, मार्क वूड.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
