Rohit Sharma T20 World Cup : टी-20 विश्वचषक 2022 मध्ये भारतीय संघाने त्यांच्या गटात अव्वल स्थान पटकावत उपांत्य फेरीत स्थान निश्चित केले. दरम्यान, झिम्बाब्वेविरुद्धच्या सामन्यानंतर भारतीय कर्णधार रोहित शर्माचे एक वक्तव्य समोर आले आहे. ज्यामध्ये रोहित शर्माने इंग्लंडकडून मिळणार्‍या आव्हानाचा उल्लेख केला आहे. उपांत्य फेरीत भारत आणि इंग्लंडचे संघ 10 नोव्हेंबरला अॅडलेड ओव्हलवर होणार आहे.
रोहित म्हणाला की, परिस्थिती समजून घेण्याचे आव्हान आमच्यासमोर असणार आहे. दुसरीकडे इंग्लंड देखील चांगला संघ आहे आणि गेल्या काही काळापासून ते चांगले क्रिकेट खेळत आहे. हा एक चांगला सामना होईल. फक्त प्रत्येक खेळाडूने आपले पूर्ण योगदान दिले पाहिजे. हा उच्च दाबाचा सामना असणार आहे. आम्हाला फक्त चांगले खेळायचे आहे. इंग्लंडविरुद्ध आम्ही झटपट जुळवून घेण्याचा प्रयत्न करणार आहे. याशिवाय रोहित शर्माने जगभरातील चाहत्यांचे आभारही मानले आहेत. झिम्बाब्वेविरुद्धच्या सामन्यात भारताने 72 धावांनी विजय मिळवला होता.
संघांनी उपांत्य फेरीत स्थान निश्चित करेपर्यंत ही स्पर्धा अतिशय रोमांचक होती. भारत आणि पाकिस्तान यांच्यातील फायनलच्या आशा पुन्हा एकदा उंचावल्या आहेत. या विश्वचषकात पाकिस्तानसाठी अनेक चमत्कार घडले आहेत. ग्रुप स्टेजमध्ये भारत आणि झिम्बाब्वेविरुद्धचे पहिले दोन सामने गमावल्यानंतर पाकिस्तानचा संघ सेमीफायनलमध्ये पोहोचेल असे क्वचितच कुणाला वाटले होते, पण नेदरलँड्सने दक्षिण आफ्रिकेचा पराभव केल्यानंतर पाकिस्तानचा संघही उपांत्य फेरी गाठण्यात यशस्वी ठरला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
