Rohit Sharma WI vs IND 2nd Test : भारताचा कर्णधार रोहित शर्मा आणि युवा सलामीवीर यशस्वी जैसवाल यांनी दुसऱ्या कसोटीच्या दुसऱ्या डावात धडाकेबाज सुरूवात केली. रोहित शर्मा आणि यशस्वी जैसवालने अवघ्या 12 षटकात 98 धावांची सलामी देत विंडीजवरील आपली आघाडी वेगाने वाढवली.
रोहित शर्माने 35 चेंडूत आपले अर्धशतक पूर्ण केले. रोहितने आपली 57 धावांची खेळी पाच चौकार आणि तीन षटकारांनी सजवली. रोहित शर्माचे हे कसोटीतील दुसरे सर्वात वेगवान अर्धशतक होते. (Rohit Sharma Test Cricket Records)
याचबरोबर रोहितने वैयक्तिक आणि यशस्वी जैसवालसोबत अनेक विक्रम देखील प्रस्थापित केले. यशस्वी जैसवालसोबत रोहित शर्माने इतिहासच रचला.
रोहित शर्मा आणि यशस्वी जैसवालने भारताकडून कसोटीत सर्वात वेगाने अर्धशतकी भागीदारी रचली. यशस्वी जैसवाल आणि रोहित शर्मा हे भारताकडून सलग तिसरी शतकी सलामी देणार असे वाटत असतानाच गॅब्रिएलने रोहितला 57 धावांवर बाद केले. त्यामुळे शतकी सलामी अवघ्या 2 धावांनी हुकली.
रोहित शर्माने अजून एक विक्रम आपल्या नावावर केला. सलग दोन कसोटी डावात सर्वाधिकवेळा दुहेरी आकड्यात पोहचण्याचा विक्रम रोहितने आपल्या नावावर केला. त्याने 2021 ते 23 या वर्षात 30 वेळा हा कारनामा केला आहे.
रोहित शर्माने वेस्ट इंडीजविरूद्धच्या पहिल्या कसोटीत 103 धावांची शतकी खेळी केली. तर दुसऱ्या कसोटीत पहिल्या डावात 80 तर दुसऱ्या डावात 57 धावा केल्या. याचबरोबर रोहित शर्मा हा WTC इतिहासात भारताचा सर्वाधिक धावा करणारा फलंदाज देखील ठरला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
