Rohit Sharma Yong Fan invade : भारताचा कर्णधार रोहित शर्माने आज न्यूझीलंडविरूद्धच्या दुसऱ्या वनडे सामन्यात 50 चेंडूत 51 धावांची खेळी केली. पहिलाच आंतरराष्ट्रीय सामना होस्ट करणाऱ्या रायपूरकरांसाठी लाडक्या रोहितची ही एकप्रकारे ट्रीटच होती.
रायपूरकरांनीही रोहित शर्माबद्दलची आपली क्रेज हातचं राखून न ठेवता दाखवून दिली. एका युवा चाहत्याने तर सर्व सुरक्षा कडे मोडून रोहितला मिठी मारली. याबाबतचे फोटो सध्या सोशल मीडियावर चांगलेच व्हायरल होत आहेत.
दरम्यान, रोहित शर्मा चाहत्याच्या या अचानक घेतलेल्या गळाभेटीमुळे चांगलाच बावरला होता. मैदानावर सुरक्षा रक्षक देखील धावत आला आणि त्याने चाहत्याला रोहितपासून दूर केले. मात्र या दरम्यान रोहितने सुरक्षा रक्षकाला चाहत्याला काळजीपूर्वक हाताळत त्यावर कोणतीही कारवाई न करण्यास सांगितले.
दुसरीकडे एका चाहत्याने स्टेडियममधून एक फलक झळकावला. या फलकावर आईला वाटतंय की मी नोकरी करण्यासाठी गेलो आहे. मात्र रोहित शर्माने माझा दिवस बनवला. असा मजकूर लिहिला होता. यावरून रायपूरमध्ये रोहित शर्माचे तुफान चाहते आहेत हे सिद्ध होते.
भारताने दुसऱ्या वनडे सामन्यात न्यूझीलंडचा 8 विकेट्स राखून पराभव करत मालिकेत 2 - 0 अशी विजयी आघाडी घेतली. न्यूझीलंडने भारतासमोर विजयासाठी 109 धावांचे माफक आव्हान ठेवले होते. भारताकडून रोहित शर्माने 50 चेंडूत 51 धावांची दमदार खेळी केली. तर शुभमन गिलने नाबाद 40 धावांची खेळी करत भारताच्या विजयावर 21व्या षटकातच शिक्कामोर्तब केले.
तत्पूर्वी, भारतीय गोलंदाजांनी न्यूझीलंडला 108 धावात गुंडाळले. भारताकडून मोहम्मद शमीने सर्वाधिक 3 विकेट्स घेतल्या. त्याला हार्दिक पांड्या आणि वॉशिंग्टन सुंदरने प्रत्येकी 2 तर शार्दुल ठाकूर आणि कुलदीप यादव यांनी प्रत्येकी 1 विकेट घेत चांगली साथ दिली. न्यूझीलंडकडून ग्लेन फिलिप्सने सर्वाधिक 36 धावा केल्या.
हेही वाचा : जगायचं कसं हे सांगण्यासाठी हवं 'लिव्हिंग विल'
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
