Russian Ukraine Football Club Players Fight : रशिया आणि युक्रेनमध्ये वर्षभरापासून युद्ध सुरू आहे. या युद्धाचा परिणाम आता खेळावर दिसू लागला आहे. तुर्कीतील एका हॉटेलमध्ये रशिया आणि युक्रेनच्या फुटबॉलपटूंमध्ये मारामारी झाली. यामध्ये अनेक खेळाडूंची हाडे मोडली.
रिपोर्टनुसार, गेल्या आठवड्यात तुर्की आणि सीरियामध्ये झालेल्या विनाशकारी भूकंपानंतर रशियन क्लब शिनिक यारोस्लाव्हल आणि युक्रेनियन क्लब एफसी मिनाजचे खेळाडू एकाच हॉटेलमध्ये थांबले होते. हॉटेल स्टाफमधील सदस्याशी असभ्य वर्तन केल्यानंतर मिनाजच्या खेळाडूने रशियन खेळाडूवर टिप्पणी केल्याने वाद सुरू झाला.
युक्रेनियन ट्विटर जोरिया लंदनस्क नुसार रशियाचे फुटबॉलपटू नशेत होता आणि आगाऊपणा करत होता. आपल्या वाईट वागणुकीबद्दल माफी मागण्यासही त्यांनी नकार दिला. त्यामुळे त्याला युक्रेनच्या फुटबॉलपटूने धक्काबुक्की केली. त्यानंतर दोन्ही संघातील इतर खेळाडूही या हाणामारीत सामील झाले.
रशियन मीडियाने दावा केला आहे की शिनिक यारोस्लाव्हलच्या चार खेळाडूंची हाडे फ्रॅक्चर झाली आहेत. परिस्थिती शांत करण्यासाठी पोलिसांना पाचारण करण्यात आले. जखमींच्या उपचारासाठी रुग्णवाहिकाही पाचारण करण्यात आली.
एफसी मिनाजने मंगळवारी अधिकृत निवेदन प्रसिद्ध केले. रशियन संघाच्या फुटबॉल खेळाडूंनी हॉटेलच्या कर्मचाऱ्यांशी केलेले अपमानास्पद वागणे आणि मिनाजने खेळाडूंच्या दिशेने चिथावणीखोर ओरडणे हे या भांडणाचे कारण होते, असे निवेदन प्रसिद्ध करण्यात आले.
मिनाजच्या खेळाडूंनी शिनिक खेळाडूंना युक्रेनचे राष्ट्रगीत गाण्यास भाग पाडले आणि लिफ्टमध्ये खेळाडूंना मारहाण केली, अशी वस्तुस्थिती रशियन प्रचार माध्यमांनी नोंदवली. लक्षात ठेवा की रशियाने गेल्या वर्षी फेब्रुवारीमध्ये युक्रेनवर हल्ला केला होता. तेव्हापासून दोन्ही देशांमध्ये तणावाचे वातावरण आहे.
हेही वाचा : नेट बँकिंग सुविधा वापरताय? मग हे नक्कीच वाचा...
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
