SA vs IND 2nd Test : शेवटच्या कसोटी सामन्यात कर्णधार रोहितने संघात केले मोठे बदल! अश्विन-शार्दुल बाहेर, या खेळाडूंना मिळाली संधी

SA vs IND 2nd Test : भारत विरुद्ध दक्षिण आफ्रिका यांच्यातील दुसरी कसोटी बुधवारपासून केपटाऊनच्या न्यूलँड्स मैदानावर खेळला जात आहे. या सामन्यात दक्षिण आफ्रिकेचा कर्णधार डीन एल्गरने नाणेफेक जिंकून प्रथम फलंदाजी करण्याचा निर्णय घेतला आहे.

रविचंद्रन अश्विन आणि शार्दुल ठाकूरलाही वगळण्यात आले आहे. त्यांच्या जागी रवींद्र जडेजा आणि मुकेश कुमार यांना भारतीय प्लेइंग इलेव्हनमध्ये स्थान देण्यात आले आहे. दुसऱ्या कसोटी सामन्यात दक्षिण आफ्रिकेला आपल्या प्लेइंग इलेव्हनमध्ये दोन बदल केले आहेत. एनगिडी आणि महाराज यजमान संघात परतले आहेत. दक्षिण आफ्रिकेसाठी डीन एल्गरची ही शेवटची कसोटी आहे.

रोहित शर्माच्या नेतृत्वाखालील भारतीय संघ दोन सामन्यांच्या कसोटी मालिकेत 0-1 ने पिछाडीवर आहे. पहिल्या सामन्यात भारताला एक डाव आणि 32 धावांनी पराभव स्वीकारावा लागला होता.

दोन्ही संघांचे प्लेइंग-11

भारत : रोहित शर्मा (कर्णधार), यशस्वी जैस्वाल, शुभमन गिल, विराट कोहली, श्रेयस अय्यर, केएल राहुल (यष्टीरक्षक), रवींद्र जडेजा, जसप्रीत बुमराह, मोहम्मद सिराज, प्रसिद्ध कृष्णा, मुकेश कुमार.

दक्षिण आफ्रिका : डीन एल्गर (कर्णधार), एडन मार्कराम, टोनी डी जिओर्गी, ट्रिस्टन स्टब्स, डेव्हिड बेडिंगहॅम, काइल वेरेयन (विकेटकीपर), मार्को जॅनसेन, केशव महाराज, कागिसो रबाडा, नांद्रे बर्गर, लुंगी एनगिडी.