सचिन भारी की विराट? उत्तर खुद्द देवानंच दिलं

विराट कोहली (Virat Kohli) जरी गेल्या काही वर्षापासून शतकांच्या दुष्काळातून जात असला तरी तरी तो सचिन तेंडुलकरच्या (Sachin Tendulkar) 100 शतकांचा विश्वविक्रम मोडण्याच्या जवळ पोहचला आहे. त्याने आतापर्यंत 70 शतके ठोकली आहेत. जरी विराटला हा विक्रम मोडण्यासाठी अजून 30 शतके ठोकण्याची गरज असली तरी. जेव्हापासून सचिन तेंडुलकर निवृत्त झाला आहे तेव्हापासून सचिनचा उत्तराधिकारी म्हणून विराट कोहलीकडेच पाहिले जाते. (Who is Better Batsmen Virat Kohli or Sachin Tendulkar)

दरम्यान, विराट कोहली ज्यावेळी शतकांचा रतीब घालत होता. काही चाहते विराट कोहलीला सचिन तेंडुलकरपेक्षाही भारी फलंदाज मानतात. सचिन तेंडुलकर ज्यावेळी खेळत होता त्यावेळी सुनिल गावसकर (Sunil Gavaskar) भारी की सचिन तेंडुलकर अशी तुलना व्हायची. आता हीच तुलना विराट कोहली आणि सचिन तेंडुलकर यांच्यात होत आहे. दरम्यान, अमेरिकी पत्रकार ग्रॅहम बेंसिंगर यांनी हा प्रश्न चाहते ज्याला क्रिकेटचा देव म्हणतात त्या सचिन तेंडुलकरलाच विचारला.

यावर सचिन तेंडुलकरने जबरदस्त उत्तर दिलं. सचिन म्हणाला की, 'आम्ही दोघंही एकाच संघात आहोत हे उत्तर कसं आहे?' विराट सध्या खराब फॉर्ममधून जात आहे. असे असले तरी त्याने वेस्ट इंडीज विरूद्धच्या दुसऱ्या वनडे सामन्यात सचिन तेंडुलकर आणि एमएस धोनी यांच्या पंक्तीत जाऊन बसला. भारताने वेस्ट इंडीजविरूद्धची वनडे मालिका 3-0 अशी जिंकली आहे. आता तीन टी 20 सामन्यांची मालिकेत भारताने 1-0 अशी आघाडी घेतली आहे.