Sachin Tendulkar Romantic Post For Wife Anjali Tendulkar : अर्जुन तेंडुलकरने आपल्या पदार्पणाच्या रणजी सामन्यात शतकी खेळी करत सचिन तेंडलुकरच्या 32 वर्षापूर्वीच्या विक्रमाशी बरोबरी केली. अर्जुन तेंडुलकरने गोव्याकडून खेळताना राजस्थानविरूद्ध 120 धावांची शतकी खेळी केली. आपल्या मुलाच्या या दमदार कामगिरीनंतर सचिन तेंडलुकरने सोशल मीडियावर एक रोमँटिक पोस्ट शेअर केली. सचिन तेंडुलकरची ही रोमँटिक पोस्ट सध्या सोशल मीडियावर चांगलीच व्हायरल होत आहे.
सचिन तेंडुलकरने इन्स्टाग्रामवर एक व्हिडिओ शेअर केला. या व्हिडिओत तो एका रेस्तराँमध्ये बसल्याचे दिसते. यावेळी सचिन तेंडुलकर आपल्या हातात एक प्लेट घेतो यावर एक रोमँटिक वाक्य लिहिले होते. यानंतर कॅमेरा सचिनची पत्नी अंजली यांच्याकडे पॅन होतो. यावेळे अंजली हसताना दिसतात.'
सचिन तेंडुलकर कायम आपल्या यशाचे श्रेय हे पत्नी अंजलीला देत असतो. तो 2019 च्या एका मुलाखतीत म्हणाला होता की, 'मी भारताकडून चांगली कामगिरी करतो होतो. याच दरम्यान, अंजली देखील तिच्या परीक्षेत पहिली आली होती. तुम्हाला माहिती आहे की ती गोल्ड मेडलिस्ट डॉक्टर आहे. तिचे करिअर देखील फुलत होते. ती एका वेगळ्याच उंचीवर पोहचली असती. मात्र तिने कुटुंबासाठी आपल्या करिअरचा त्याग केला.'
सचिन पुढे म्हणाला होता की, 'तिला माहिती होतं की मला खूप प्रवास करावा लागणार आहे. मग अशा परिस्थितीत सारा आणि अर्जुनकडे कोण लक्ष देणार? तिने मोठ्या मनाने निर्णय घेतला. तिच्या निर्णयामुळेत मी आज इथपर्यंत पोहचलो आहे. हे तिच्या योगदानाशिवाय शक्यच झालं नसतं. मी इथं बसू देखूल शकलो नसतो.'
हेही वाचा : काय आहे सलाम किंवा कुर्निसाताचे महत्त्व राजशिष्टाचारांमध्ये
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
