IND vs PAK Football Controversy : भारत आणि पाकिस्तान यांच्यात सामना होतोय... तोही फुटबॉलचा सामना आणि त्या सामन्यात राडेबाजी होणार नाही असं कसं होईल? SAFF Championship स्पर्धेचा भारताचा पहिला सामनाच पाकिस्तानसोबत होत आहे. पहिल्या हाफमध्ये भारताने पाकिस्तानवर दोन गोल केल्या. त्यानंतर पहिला हाफ संपता संपता भारतीय संघाचे प्रशिक्षक इगोर स्टिमॅक यांची पाकिस्तानच्या खेळाडूशी बाचाबाची झाली. यानंतर रेफ्रींनी भारतीय संघाच्या कोचलाच रेड कार्ड दाखवले.
त्यांच झालं असं की सामन्याच्या 10 व्या मिनिटाला पाकिस्तानच्या गोलकिपरने गचाळपणाचं दर्शन घडवले. याचा फायदा उचलत सुनिल छेत्रीने भारताचा पहिला गोल केला. त्यानंतर 16 व्या मिनिटाला पेनाल्टीवर सुनिल छेत्रीने पेनाल्टीवर अजून एक गोल करत पाकिस्तानवर 16 व्या मिनिटालाच 2 - 0 अशी आघाडी घेतली. भारताने पहिला हाफ संपेपर्यंत बॉलवर आपलाच ताबा ठेवत ही आघाडी कायम ठेवली.
मात्र 45 व्या मिनिटाला भारतीय कोच आणि पाकिस्तानी खेळाडू यांच्यात वादावादी झाली. पाकिस्तानचा खेळाडू लाईनच्या बाहेर आलेला बॉल थ्रो करत होता. मात्र कोच इगोर स्टिमॅकने हाताने हा गोल खाली पाडला अन् त्यानंतर पाकिस्तानी खेळाडू कोचच्या अंगावर धावून गेले. पंच आणि इतर खेळाडूंनी मध्यस्थी करत वातावरण निवळले मात्र रेफ्रींनी यासाठी भारतीय प्रशिक्षकांना रेड कार्ड दाखवले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
