Saif Ali Khan T10 ISPL : बॉलीवूड स्टार सैफ अली खान आणि करीना कपूर खान यांनी आज इंडियन स्ट्रीट प्रीमियर लीगमधील संघ विकत घेतल्याची घोषणा केली. सैफ आणि करीना जोडीने कोलकाताचा संघ विकत घेतला आहे. या स्पर्धेच्या आयोजकांनी दावा केला आहे की ही भारताची पहिली टेनिस बॉल टी 10 क्रिकेट स्पर्धा असेल जी स्टेडियममध्ये खेळली जाईल.
करीना कपूरने आयएसपीएलमधील संघ विकत घेतल्याची घोषणा इन्स्टाग्रामवरून केली. तिने या पोस्टमध्ये लिहलं की, 'क्रिकेटची परंपरा आपण कायम जपतो. शेवटी हे आमच्या रक्तातच आहे. त्यामुळे इंडियन स्ट्रीट प्रीमियर लीगमध्ये टीम कोलकाता विकत घेतल्याचे जाहीर करताना आनंद होत आहे. युवा क्रिकेटपटूंना हे एक चांगलं व्यासपीठ असणार आहे. त्यांच्या प्रवासात सहभागी होण्यापेक्षा दुसरा चांगला आनंद नाही.'
दरम्यान, आयएसपीएल लीग आयोजकांनी प्रसिद्धी पत्रकात म्हटलं की, 'सैफ अली खानचे वडील मन्सूर अली खान पतौडी हे भारताचे प्रसिद्ध क्रिकेटपटू होते आणि ते भारतीय संघाचे माजी कर्णधार देखील होते. पतौडी कुटुंबियांचे कोलकात्याशी देखील खास कनेक्शन आहे. सैफ अली खानची आई शर्मिला टागोर या देखील कोलकात्याच्या आहेत.'
आयएसपीएलमध्ये अनेक सेलिब्रेटींनी संघ विकत घेतले आहेत. अमिताभ बच्चनने मुंबई, अक्षय कुमारने श्रीनगर, ऋतिक रोशनने बंगळुरू, सूर्याने चेन्नई तर राम चरणने हैदराबाद संघ विकत घेतला आहे. आता त्यात सैफ अली खानची देखील भर पडली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
