Saina Nehwal on her Career: गेले अनेक महिने बॅडमिंटन कोर्टपासून दूर असलेल्या साईना नेहवालने आपल्याला संधीवात झाल्याचे उघड केले आहे, त्यामुळे वर्षाअखेरीस आपण आपल्या भवितव्याबाबत निर्णय घेऊ, असे स्पष्ट केले. या आजारामुळे आपण नेहमीचा सराव करू शकत नसल्याचेही तिने म्हटले आहे.
३४ वर्षीय साईना ऑलिंपिकमध्ये बॅडमिंटनचे पदक मिळवणारी पहिली भारतीय ठरली होती. तिने हे यश लंडन २०१२ ऑलिंपिकमध्ये ब्राँझपदक जिंकले होते. साईना एकूण तीन ऑलिंपिकमध्ये खेळलेली आहे. याव्यतिरिक्त साईनाने २०१० आणि २०१८ मधील राष्ट्रकुल स्पर्धेत सुवर्णपदक मिळवलेले आहे.
'माझा गुडघाही सक्षम राहिलेला नाही. त्यातच संधीवाताचा त्रास होत आहे. हाडांमधील कूर्चही कमकुवत झाली आहे. त्यामुळे आठ ते नऊ तासांचा सराव मी करू शकत नाही', असे साईनाने गगन नारंग यांनी आयोजित केलेल्या पॉडकॉस्टमध्ये बोलताना सांगितले.