पुणे : सौराष्ट्र, राजकोट येथे सुरू असलेल्या पश्चिम विभागीय चौदा वर्षांखालील गटाच्या साखळी क्रिकेट स्पर्धेत महाराष्ट्राविरूद्धच्या अनिर्णित सामन्यात सौराष्ट्र संघाने पहिल्या डावातील आधिक्याच्या जोरावर विजय मिळविला. सानोसारा येथे झालेल्या या तीन दिवसीय सामन्यात महाराष्ट्राच्या पहिल्या डावातील १५४ धावांस उत्तर देताना सौराष्ट्राने पहिल्या डावात १७५ धावा करून २१ धावांची मिळविलेली आघाडी महत्त्वपूर्ण ठरली.
त्यानंतर महाराष्ट्राने दुसऱ्या दिवसअखेर चार बाद ९६ धावा केल्या आजच्या तिसऱ्या दिवशी महाराष्ट्राचा दुसरा डाव २१७ धावांत आटोपला. काल नाबाद असलेल्या एकनाथ देवाडेने शानदार शतकी शतकी खेळी केली त्याने अठरा चौकारांसह १२६ धावांची खेळी केली. सौराष्ट्र संघाला विजयासाठी १९६ धावांची गरज होती त्यांनी पाच बाद १५० धावा केल्या. या लढतीतून सौराष्ट्र संघाने पहिल्या डावाच्या आधिक्यावर तीन गुण मिळविले. तर महाराष्ट्राला एका गुणावर समाधान मानावे लागले.
धावफलक :
महाराष्ट्र - पहिला डाव १५४ आणि दुसरा डाव २१७ (एकनाथ देवाडे १२६, अर्जुन सोनार २६, प्रज्वल मोरे २१, महर्षी वाघेला ४-७९, नेव्हिल डांगर २-३५, हर्षवर्धन तन्ना २-३७) अनिर्णित विरुद्ध सौराष्ट्र पहिला डाव १७५ व दुसरा डाव - (५८ षटकांत) ५ बाद १५० (पूर्वा साखिया नाबाद ५२, मंथन रावळ ३३, अर्जुन साळुंके २-२८, अर्जुन सोनार २-३७, प्रसाद आंबले १-४४)
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
