इजिप्त आणि सेनेगल यांच्यात झालेल्या फिफा वर्ल्डकप क्वालिफायर सामन्यात सेनेगलने (Senegal) इजिप्तवर (Egypt) पेनाल्टी शूटआऊटमध्ये 3-1 असा पराभव केला. याचबरोबर सेनेगल 2022 फिफा वर्ल्डकप क्वालिफायर प्ले ऑफ जिंकली. मात्र या फुटबॉल सामन्यादरम्यान सेनेगलच्या फॅन्सकडून खिलाडूवृत्तीला काळिमा फासणारी घटना घडली. पेनाल्टी शूटआऊटवेळी मोहम्मद सालाह (Mohamed Salah) आणि इजिप्तचा गोलकिपर मोहम्मद अल्शेनावेसह इतर खेळाडूंच्या डोळ्यावर असंख्य लेझर्सचा (Laser Beams) मारा करण्यात आला.
इजिप्त सेनेगलच्या सामन्यादरम्यान दुसऱ्या हाफमध्ये 1 गोलने आघाडीवर होती. मात्र सामना संपण्यासाठी फक्त 4 मिनिट राहिले असताना हामदी फाथीने स्वयंम गोल केला आणि सामना बरोबरीत आला. ही बरोबरी सामना एक्स्ट्रा टाईममध्येही कायम राहिली. त्यामुळे सामना पेनाल्टी शूटआऊटवर गेला.
दरम्यान, सेनेगलच्या फॅन्सनी रडीचा डाव खेळण्यास सुरुवात केली. त्यांनी इजिप्तच्या गोलकिपरसह अनेक खेळाडूंवर असंख्य लेझर बीमचा मारा केला. इजिप्तचा स्टार फुटबॉलर मोहम्मद सालाहच्या चेहऱ्यावर देखील लेझर बीम्सचा मारा करण्यात आला. मोहम्मद सालाह याही परिस्थितीत आपले मन एकाग्र करण्याचा प्रयत्न करत होता. मात्र त्याची पेनाल्टी हुकली.
स्टू होल्डन या समालोचकाने केलेल्या ट्विटनुसार सालाहच्या चेहऱ्यावर पेनाल्टी मारताना जवळपास 3000 लेझर बीमचा मारा करण्यात आला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
