Shaheen Afridi Wedding : पाकिस्तानचा वेगवान गोलंदाज शाहीन आफ्रिदीची 3 फेब्रुवारी रोजी विकेट पडली. ही विकेट दुसऱ्या तिसऱ्या कोणी नाही तर शाहिद आफ्रिदीच्या मुलीनेच पाडली. गेल्या काही वर्षापासून शाहीन आणि शाहिद आफ्रिदीची मुलगी अंशा यांच्या लग्नाची नुसती चर्चाच होत होती.
अखेर हा शाही निकाह पार पडला. यावेळी पाकिस्तान क्रिकेट संघाचा कर्णधार बाबर आझम, सर्फराज अहमद, नसीम शाह आणि शादाब खान देखील उपस्थित होते. मात्र लग्नानंतर शाहिद आफ्रिदीचा जावई शाहीन आफ्रिदीने सोशल मीडियावर एक ट्विट करत निराशा व्यक्त केली.
शाहीन आफ्रिदीला राग का आला?
शाहीन आफ्रिदीने निकाह पार पडल्यानंतर सोशल मीडियावर एक ट्विट केले. या ट्विटमध्ये त्याने पहिल्यांदा हा खास दिवस अजूनच स्मरणीय केल्याबद्दल सर्वांचे आभार मानले. त्यानंतर त्याला त्याला जोडूनच शाहीन आफ्रिदीने निराशा व्यक्त करणारे एक ट्विट केले.
तो ट्विटमध्ये म्हणाला की, 'हे खूप निराशाजनक आहे सातत्याने आणि खूप विनंती करून देखील आमची प्रायव्हसी भंग झाली. बेशरम लोकं पत्नीचा फोटो अजून देखील शेअर करत आहेत. मी नम्रपणे विनंती करतोय की लोकांनी आमच्याशी समन्यव साधावा आणि आमचा स्मरणीय दिवस खराब करू नये.'
फोन बंद ठेवण्याची होती सुचना
आफ्रिदी परिवाराने लग्नात आलेल्या आपल्या पाहुण्यांना त्यांचा फोन बंद ठेवण्याची विनंती केली होती. समारंभ स्थळाच्या प्रवेशद्वारावर देखील तशा सुचना लिहिल्या होत्या. तुम्ही आज आम्हाला खूप मोठं गिफ्ट देऊ शकता, तुम्ही कृपया तुमचा मोबईल फोन बंद ठेवा आणि आमच्या खास क्षणांचा आनंद घ्या. मात्र या सुचनेनंतरही शाहीनच्या लग्नातील फोटो सोशल मीडियावर चांगलेच व्हायरल झाले.
गेल्या महिन्यात पाकिस्तानचा अष्टपैलू खेळाडू शादाब खानने देखील पाकिस्तानचे प्रमुख प्रशिक्षक सकलेन मुश्ताकच्या मुलीसोबत लग्न केल्याची घोषणा केली होती. त्यांनीही फोटो सोशल मीडियावर व्हायरल न करण्याची विनंती केली होती. त्यांचा कोणताही फोटो लीक झाला नव्हता.
हेही वाचा : रायगडमध्ये पर्यटनासाठी येतेय नवी संधी
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
