डिके आणि मुरली सारखीच परिस्थिती, चहलच्या बायकोला पाहून नेटकऱ्यांनी सुरू केली टीका

Shreyas Iyer and Dhanashree Verma: सोशल मीडियावर सध्या एक फोटो व्हायरल होत आहे. त्या फोटो वरून चाहते टीम इंडियाचा फिरकी गोलंदाज युजवेंद्र चहलला ट्रोल करत आहेत. सूर्यकुमार यादव आणि त्याची पत्नी देविशा शेट्टी यांनी श्रेयस अय्यर आणि युझवेंद्र चहलची पत्नी धनश्री वर्मा यांना त्यांच्या घरी जेवायला बोलावलं होतं. मात्र यावेळी चहल गैरहजर होता.

इंस्टाग्राम स्टोरीवर एक फोटो पोस्ट करत सूर्यकुमार यादवने लिहिले, काल रात्रीबद्दल माफ कर युझवेंद्र चहल आम्हाला तुझी आठवण खंरच आली नाही. या फोटोमध्ये श्रेयस अय्यर युझवेंद्र चहलची पत्नी धनश्री वर्मासोबत दिसत आहे. यानंतर चाहते चहलला कमेंट्सद्वारे ट्रोल करत आहेत.

एका यूजरने लिहिले की, डीके आणि मुरली विजयची अवस्था होणार आहे. आणखी एका युजरने लिहिले, नवीन मुरली विजय येणार आहे. वहिनीची काळजी घ्या चहल भाऊ. श्रेयस अय्यर आणि युझवेंद्र चहलची पत्नी धनश्री वर्मा एकत्र दिसण्याची ही पहिलीच वेळ नाही. याआधी दोघेही रीलमध्ये एकत्र नाचताना दिसले आहेत. दुसरीकडे, जर आपण दिनेश कार्तिक आणि मुरली विजयच्या कथेबद्दल बोललो तर ते प्रकरण खूप वेगळे होते.

मुरली विजय डीकेची पत्नी निकिता हिच्या प्रेमात पडला आणि दोघांनीही एकमेकांशी लग्न केले. त्याचवेळी दिनेश कार्तिकने कोणताही गाजावाजा न करता निकिताला घटस्फोट दिला. या बातमीने सोशल मीडियावर चाहत्यांचे लक्ष वेधून घेतले.