Ind vs Sa 1st Test Shubman Gill : सेंच्युरियनमध्ये दक्षिण आफ्रिकेविरुद्धच्या पहिल्या कसोटी सामन्याच्या पहिल्याच दिवशी उसळत्या खेळपट्टीवर शुभमन गिल पुन्हा एकदा फलंदाजीत फ्लॉप ठरला. केवळ 12 चेंडू खेळून शुभमन 2 धावा करून बाद झाला.
शुभमनने कसोटी क्रिकेटमध्ये सलामीवीर म्हणून सुरुवात केली, पण त्यानंतर त्याने स्वतःहून ठरवले की त्याला तिसऱ्या क्रमांकावर फलंदाजी करायची आहे. शुभमनने तिसऱ्या क्रमांकावर फलंदाजी करण्याचा निर्णय घेतल्यापासून त्याचा फॉर्म खराब होत गेला.
यंदाच्या कसोटी क्रिकेटमध्ये शुभमन गिलची कामगिरी काही विशेष राहिलेली नाही. आणि कसोटी क्रिकेटमध्ये नंबर-3 फलंदाज म्हणून आपली छाप सोडण्यात अपयशी ठरला आहे. शुभमन गिलला या वर्षी जुलैमध्ये वेस्ट इंडिज दौऱ्यापासून तिसऱ्या क्रमांकावर फलंदाजीची जबाबदारी देण्यात आली होती.
शुभमन गिलने कसोटी क्रिकेटमध्ये नंबर-3 फलंदाज म्हणून आतापर्यंत 4 डाव खेळले आहेत. शुभमन गिलने या कालावधीत 6, 10, 29* आणि 2 धावा केल्या आहेत. तिसऱ्या क्रमांकावर शुभमन गिलच्या अपयशानंतर आता भारतीय संघ व्यवस्थापनासमोर अनेक मोठे प्रश्न निर्माण झाले आहेत.
पण स्वत: गिलने संघ व्यवस्थापनाशी चर्चा करून तिसऱ्या क्रमांकावर फलंदाजी करण्याचा निर्णय घेतला होता. आणि हाच निर्णय त्याच्या करिअरसाठी कुठेतरी घातक ठरताना दिसत आहे. दक्षिण आफ्रिकेविरुद्धच्या पहिल्या कसोटीच्या पहिल्या डावातही तो केवळ 2 धावा करून बाद झाला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
