Shubman Gill : भारताचा स्टार सलामीवीर शुभमन गिल गेल्या काही दिवसांपासून डेंग्यूने आजारी आहे. त्यामुळे तो वर्ल्डकपचे पहिले दोन सामने देखील मुकला. मात्र आजारपणातून सावरत नेटमध्ये परतलेल्या गिलला आता आयसीसीने मोठं गिफ्ट दिलं.
शुभमन गिलला सप्टेंबर महिन्याचा प्लेअर ऑफ द मंथचा पुरस्कार मिळाला आहे. याची घोषणा आयसीसीने आज केली. सप्टेंबर महिन्यात गिलने वनडे क्रिकेटमध्ये 80 च्या सरासरीने 480 धावा ठोकल्या. गिलने मोहम्मद सिराज आणि इंग्लंडचा सलामीवीर डेव्हिड मलानला मागं टाकत प्लेअर ऑफद मंथचा पुरस्कार पटकावला.
गिलने आशिया कपमध्ये 75.5 च्या सरासरीने 302 धावा ठोकल्या. त्यानंतर झालेल्या ऑस्ट्रेलियाविरूद्धच्या मालिकेत त्याने दोन सामन्यात 178 धावा केल्या. त्याने ऑस्ट्रेलियाविरूद्धच्या दुसऱ्या सामन्यात 104 धावांची शतकी खेळी केली. त्यापूर्वी सप्टेंबर महिन्यातच त्याने आशिया कपमध्ये बांगलादेशविरूद्ध 121 धावांची शतकी खेळी केली होती.
याचबरोबर गिलने सप्टेंबर महिन्यात तीन अर्धशतके ठोकली. त्यामुळे त्याची प्लेअर ऑफ द मंथची दावेदारी प्रबळ झाली. तो सप्टेंबर महिन्यात खेळलेल्या 8 डावात फक्त 2 वेळात अर्धशतक न करताच बाद झाला होता. गिल हा सध्या आयसीसी बॅटिंग रँकिंगमध्ये दुसऱ्या स्थानावर आहे. त्याने 35 सामन्यात 66.1 च्या सरासरीने 1917 धावा केल्या आहेत. त्याचे स्ट्राईक रेट 102.84 इतके आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
