IND vs SA 2nd T20I Snake Enter In Stadium : भारत आणि दक्षिण आफ्रिका यांच्यातील गुवाहाटी येथे सुरू असलेल्या दुसऱ्या टी 20 सामन्यावर पावसाचे सावट आहे. अशा परिस्थितीत भारतीय सलामीवीरांना प्रथम फलंदाजी करताना पॉवर प्लेमध्येच आक्रमक सुरूवात केली. मात्र सातव्या षटकानंतर खेळ काही खाळ थांबवावा लागला. मैदानात साप आला.
रोहित शर्मा आणि केएल राहुल यांनी नाबाद अर्धशतकी भागीदारी रचली होती. तोपर्यंत मैदानात सापाने एन्ट्री केल्याने सर्वांचीच तारांबळ उडाली. सापाला मैदानातून बाहेर काढेपर्यंत सामना थांबवण्यात आला. जे आफ्रिकेच्या गोलंदाजांना, पावसाला जमले नाही ते या छोटूश्या सापाने करून दाखवले. त्याने काही काळ का असेना रोहित - राहुलचा झंजावात रोखला. सामना थांबला त्यावेळी सात षटके पूर्ण झाली होती आणि भारताने बिनबाद 68 धावा केल्या होत्या.
दक्षिण आफ्रिकेने दुसऱ्या टी 20 सामन्यात नाणेफेक जिंकून प्रथम गोलंदाजी करण्याचा निर्णय घेतला. भारताचे सलामीवीर रोहित शर्मा आणि केएल राहुल यांनी पॉवर प्लेची आक्रमक सुरूवात करण्याचा प्रयत्न केला. मात्र या दोघांना भारताला पहिल्या 3 षटकात 21 धावांपर्यंतच मजल मारून देता आली. पहिल्या तीन षटकात फारसे हात खोलण्याची संधी न मिळालेल्या रोहित - राहुल जोडीने पुढच्या तीन षटकात तुफान फटकेबाजी करत भारताला 6 षटकात बिनबाद 57 धावांपर्यंत पोहचवले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
