IND vs SA T20 : पहिल्या टी-20 सामन्याआधी संघाला मोठा धक्का, दुखापतीमुळे स्टार खेळाडू बाहेर

South Africa vs India T20 Series 2023 Match 1 : एकदिवसीय वर्ल्ड कप आणि ऑस्ट्रेलियाविरुद्धची टी-20 मालिकेनंतर आता भारतीय संघाचा दक्षिण आफ्रिका दौरा १० डिसेंबरपासून सुरू होत आहे. टीम इंडिया रविवारपासून (10 डिसेंबर) तीन सामन्यांची टी-20 मालिका सुरू करत आहे. पहिला सामना डर्बनमध्ये खेळवला जाईल.

पहिल्या टी-20 सामन्याआधी संघाला मोठा धक्का बसला आहे. दक्षिण आफ्रिकेचा स्टार गोलंदाज लुंगी एनगिडी या सामन्यासाठी बाहेर पडला असून, त्याची जागा बुरेन हेंड्रिक्स घेतील.

लुंगी एनगिडीच्या डाव्या घोट्याला दुखापत झाल्यामुळे भारताविरुद्धच्या तीन सामन्यांच्या T20 मालिकेतून बाहेर पडला. क्रिकेट दक्षिण आफ्रिका (CSA) ने एका निवेदनात म्हटले आहे की, लुंगी एनगिडीला दुखापतीमुळे संघातून बाहेर करण्यात आले आहे, त्यांच्यावर दक्षिण आफ्रिकेच्या वैद्यकीय पथक देखरेख करत आहे. त्याच्या जागी वेगवान गोलंदाज बुरेन हेंड्रिक्सचा संघात समावेश करण्यात आला आहे. लुंगी एनगिडी शेवटचा एकदिवसीय सामना वर्ल्ड कप 2023 च्या लीग टप्प्यात खेळला होता.

तेहतीस वर्षीय डावखुरा वेगवान गोलंदाज हेंड्रिक्सने 2021 मध्ये दक्षिण आफ्रिकेच्या संघासाठी टी-20 फॉर्मेटमध्ये शेवटचा सामना खेळला. त्याने 19 टी-20 आंतरराष्ट्रीय सामन्यांमध्ये 25 बळी घेतले आहेत. त्याच्या नावावर 8 एकदिवसीय सामन्यात 6 आणि 1 कसोटीत 6 विकेट्स आहेत.

भारताविरुद्ध दक्षिण आफ्रिकेचा टी-20 संघ : एडन मार्कराम (कर्णधार), ओटनील बार्टमन, मॅथ्यू ब्रेट्झके, नॅंद्रे बर्जर, गेराल्ड कोएत्झी, डोनोव्हन फरेरा, रीझा हेंड्रिक्स, मार्को जॅन्सेन, हेन केनलाहस महाराज, डेव्हिड मिलर, ब्यूरन हेंड्रिक्स, अँडिले फेहलुकवायो, तबरेझ शम्सी, ट्रिस्टन स्टब्स आणि लिझाद विल्यम्स.

दक्षिण आफ्रिकेविरुद्धच्या 3 टी-20 सामन्यांसाठी भारतीय संघ : यशस्वी जैस्वाल, शुभमन गिल, ऋतुराज गायकवाड, तिलक वर्मा, सूर्यकुमार यादव (कर्णधार), रिंकू सिंग, श्रेयस अय्यर, इशान किशन (यष्टीरक्षक), जितेश शर्मा (यष्टीरक्षक), रवींद्र जडेजा. उपकर्णधार), वॉशिंग्टन सुंदर, रवी बिश्नोई, कुलदीप यादव, अर्शदीप सिंग, मोहम्मद सिराज, मुकेश कुमार, दीपक चहर.