Steve Smith Century: ऑस्ट्रेलियाचा स्टार फलंदाज स्टीव्ह स्मिथने शनिवारी सिडनी थंडर विरुद्धच्या बिग बॅश लीग 2022-23 सामन्यात धडाकेबाज शतक ठोकले. स्टीव्ह स्मिथचे या स्पर्धेतील हे सलग दुसरे शतक आहे. यापूर्वी त्याने अॅडलेड स्ट्रायकर्सविरुद्ध 56 चेंडूत 101 धावा केल्या होत्या.
बिग बॅश लीगचा 50 वा सामना सिडनी क्रिकेट ग्राऊंडवर खेळला जात गेला, ज्यामध्ये स्टीव्ह स्मिथने विरोधी गोलंदाजांना चांगलेच झोडपून काढले आणि अवघ्या 66 चेंडूत 125 धावा केल्या. या सामन्यात स्मिथचा स्ट्राईक रेट 189.39 होता आणि त्याने बॅटने 9 मोठे षटकार आणि 5 चौकार लगावले. म्हणजेच सामन्यादरम्यान स्मिथने 14 चेंडूत चौकार आणि षटकार लगावत 74 धावा केल्या.
या टूर्नामेंटमध्ये स्मिथने आतापर्यंत फक्त तीन सामने खेळले आहेत, ज्यामध्ये त्याने 131 च्या सरासरीने आणि 175.83 च्या स्ट्राइक रेटने 261 धावा केल्या आहेत. विशेष म्हणजे स्मिथ सिडनी सिक्सर्सकडून अवघे तीन सामने खेळून स्पर्धेत सर्वाधिक धावा करणारा तिसरा खेळाडू ठरला आहे. स्मिथने 14 चौकार आणि 18 षटकार मारले आहेत.
स्टीव्ह स्मिथला ऑस्ट्रेलियाच्या टी-20 संघात स्थान मिळत नाही, पण बिग बॅश लीगच्या या मोसमात त्याने आपल्या आक्रमक क्रिकेटचे दर्शन घडवले आहे. तो आंतरराष्ट्रीय क्रिकेटमध्ये पदार्पण करण्यास सक्षम आहे हे स्पष्ट आहे. संघासाठी टी-20 क्रिकेट खेळण्यासाठी तो प्रबळ दावेदारांपैकी एक आहे. अशा परिस्थितीत त्याला आगामी काळात आंतरराष्ट्रीय स्तरावर आपली ताकद दाखवण्याची संधी मिळते का, हे पाहणे औत्सुक्याचे ठरणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
