Sultan of Johor Cup 2024: ऑस्ट्रेलियाच्या हॉकी संघाने बुधवारी भारतीय हॉकी संघाचा विजयरथ रोखला. डायकिन स्ट्रेंजर याने झळकावलेली दमदार हॅट्ट्रिक व पॅटट्रिक अँड्रयू याने केलेल्या एक गोलच्या जोरावर ऑस्ट्रेलियाने भारतीय संघावर ४-० असा दमदार विजय साकारला.
या पराभवानंतरही भारतीय हॉकी संघ सुल्तान ऑफ जोहोर हॉकी करंडकाच्या (२१ वर्षांखालील) गुणतालिकेत नऊ गुणांसह पहिल्या स्थानावर कायम आहे. ऑस्ट्रेलियन संघ सात गुणांसह तिसऱ्या स्थानावर आहे.
