.jpg?w=480&auto=format%2Ccompress&fit=max)
India at Paris Paralympic 2024: पॅरिस पॅरालिम्पिक २०२४ स्पर्धेत सोमवारी भारताला तिसरं सुवर्णपदक सुमीत अंतिलने जिंकून दिलं. त्याने पुरुषांच्या F64 फालाफेक स्पर्धेत हे सुवर्णपदक जिंकले. हे त्याचे पॅरालिम्पिकमधील दुसरे सुवर्णपदक आहे. त्याने याआधी टोकियो पॅरालिम्पिकमध्येही सुवर्णपदक जिंकले होते.
याआधी नीरज चोप्राला सलग दोन ऑलिम्पिकमध्ये सुवर्ण पदक जिंकता आली नाहीत याची खंत भारतीयांमध्ये होती. पण सुमीतने सलग दोन पॅरालिम्पिक स्पर्धेत सुवर्ण जिंकून आनंद साजरा करण्याची संधी दिली
सोमवारी झालेल्या अंतिम फेरीत सुमीतने सुवर्णपदक जिंकण्याबरोबरच पॅरालिम्पिकमध्ये नवा विक्रमही केला. त्याने ७०.५९ मीटर लांब भाला फेकत सुवर्णपदक जिंकले. त्याने यावेळी त्याचाच विक्रम मोडला आहे. त्याने टोकियो पॅरालिम्पिकमध्ये ६८.५५ मीटर लांब भाला फेकत विक्रम केला होता. आता हाच विक्रम त्याने मागे टाकला आहे.
