इंडियन सुपर लीग (ISL) स्पर्धेत बंगळुरु FC क्लबने भारतीय फुटबॉल संघाचा कर्णधार सुनील छेत्रीसोबत दोन वर्षांचा करार केला आहे. या करारामुळे 2023 पर्यंत सुनील छेत्री बंगळुरुच्या संघाकडून खेळताना दिसणार आहे. आगामी हंगामासाठी सुनील छेत्रीसोबत करारबद्ध झाल्याची माहिती क्लबकडून देण्यात आली आहे. 2013 पासून सुनील छेत्री बंगळुरु FC कडून खेळताना पाहयला मिळते. इंडियन सुपर लीग फुटबॉल स्पर्धेत बंगळुरुकडून 203 सामन्यात त्याने आतापर्यंत 101 गोल डागले आहेत. (Sunil Chhetri Will Remain With Bengaluru FC-Till-2023)
36 वर्षीय सुनील छेत्री करारावरील हस्ताक्षरानंतर प्रतिक्रियाही दिली. तो म्हणाला की, आणखी दोन वर्षे बंगळुरुसोबत खेळणार असल्यामुळे आनंदी आहे. बंगळुरु क्लबचा संघ माझ्यासाठी घराप्रमाणे असून यातील प्रत्येक सदस्य कुटुंबियातील सदस्य आहे, अशी भावनिक प्रतिक्रिया त्याने दिली. फुटबॉल क्लब, बंगळुरु शहर आणि चाहते यांच्यासोबत आणखी काही अविस्मरणीय क्षणाचा साक्षीदार होण्यासाठी उत्सुक असल्याचेही त्याने बोलून दाखवले.
सहावेळा एआयएफएफ प्लेयर ऑफ ईयर पुरस्काराने सन्मानित सुनील छेत्रीच्या पदार्पणातच 2013 मध्ये बंगळुरु FC ने ISL चे पहिले वहिले जेतेपद पटकावले होते. सुनील छेत्रीच्या उपस्थितीत क्लबने आणखी पाच ट्रॉफ्या जिंकल्या आहेत. यात फेडरेशन कप (2015, 2017), इंडियन सुपर लीग (2018-19) आणि सुपर कप (2018) स्पर्धेचा समावेश आहे. सुनील छेत्रीने नुकताच एक खास विक्रम आपल्या नावे कला होता. बांगलादेश विरुद्धच्या सामन्यात त्याने आंतरराष्ट्रीय कारकिर्दीत 76 गोल मारण्याचा पल्ला गाठला. या सामन्यात त्याने मेस्सीचा विक्रम मागे टाकला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
