Sunil Gavaskar On Shubman Gill : भारताचे माजी कर्णधार आणि समालोचक सुनिल गावसकर यांनी युवा क्रिकेटर शुभमन गिलला चांगलेच फैलावर घेतले. गावसकरांच्या मते शुभमन गिलने इंग्लंडविरूद्धच्या पहिल्या कसोटीच्या पहिल्या डावात सेट होऊन आपली विकेट फेकली.
गिलने कसोटीच्या दुसऱ्या दिवशी 14 धावांपासून पुढे खेळण्यास सुरूवात केली. मात्र तो 23 धावांवर पोहचल्यानंतर मिड विकेटला झेल देऊन परतला. त्याने 66 चेंडू खेळले त्यात फक्त दोन चौकार मारले. त्याला स्ट्राईक रोटेट करण्यात देखील अडचण येत होती. त्यामुळे गावसकर गिलवर जाम भडकले. त्यांनी त्याच्या शॉट सिलेक्शनवर प्रश्न उपस्थित केला.
गावसकर जिओ सिनेमावर बोलताना म्हणाले की, 'तो कोणत्या प्रकारचा फटका खेळण्याचा प्रयत्न करतोय? जर तो हवेतून मारण्याचा प्रयत्न करत असता तर एकवेळ समजू शकलो असतो. मात्र त्याने एक खराब ऑन ड्राईव्ह खेळला. त्याने सर्व कष्ट केले, खेळपट्टीवर टिकून राहिला अन् असा शॉट खेळला.'
सामन्याबद्दल बोलायचं झालं तर भारताने इंग्लंडच्या 246 धावांच्या प्रत्युत्तरात पहिल्या डावात 436 धावा केल्या. भारताकडून रविंद्र जेडजाने 87, केएल राहुलने 86 तर यशस्वी जयस्वालने 80 धावांची खेळी केली. इंग्लंडकडून जो रूटने सर्वाधिक 4 विकेट्स घेतल्या. भारताने पहिल्या डावात 190 धावांची आघाडी घेतली असून. इंग्लंडने आपला दुसरा डाव सुरू केला आहे. त्यांनी तिसऱ्या दिवसाच्या पहिल्या सत्रात 1 बाद 89 धावांपर्यंत मजल मारली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
