ब्लोमफाँटेन : सर्वाधिक पाच वेळा विजेता ठरलेला भारताचा युवा क्रिकेट संघ उद्या दुबळ्या नेपाळच्या युवा संघाचा सामना करणार आहे. उदय सहारन याच्या नेतृत्वाखाली भारताच्या संघाने यंदा दक्षिण आफ्रिकेत सुरू असलेल्या १९ वर्षांखालील विश्‍वकरंडकात कात टाकली असून नेपाळविरुद्ध विजय मिळवल्यास त्यांचा उपांत्य फेरीतील प्रवेशही पक्का होणार आहे.
सुपर सिक्समधील गट एकमध्ये भारत व पाकिस्तान यांचे समसमान ६ गुण झाले आहेत. भारताची सरासरी ३.३२ अशी असून पाकिस्तानची सरासरी १.०६ अशी आहे. भारत पहिल्या स्थानावर असून पाकिस्तानचा संघ दुसऱ्या स्थानावर आहे.
गट एक व गट दोन यांच्यामधून अव्वल दोन देश पुढल्या फेरीत अर्थातच उपांत्य फेरीत प्रवेश करणार आहेत. गट एकमधून भारत, पाकिस्तान यांच्यासह बांगलादेश व न्यूझीलंड या देशांनाही अंतिम चारमध्ये पोहोचण्याची संधी असणार आहे.
नेपाळच्या संघाकडून मोठ्या अपेक्षा नसल्या तरी भारतीय संघ त्यांना कमी लेखण्याची चूक करणार नाही. नेपाळने सुरुवातीच्या लढतीत अफगाणिस्तानला धूळ चारली. कर्णधार देव खनाल व आकाश चंद यांनी धमक दाखवली.
भारत-नेपाळ, ब्लोमफाँटेन
दुपारी १.३० वाजता
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.