WI vs IND 2023 Series : भारतीय क्रिकेट बोर्डाने शुक्रवारी वेस्ट इंडिज दौऱ्यासाठी टीम इंडियाचा कसोटी आणि एकदिवसीय संघ जाहीर केला आहे. त्याचबरोबर वेस्ट इंडिजविरुद्धच्या कसोटी मालिकेत टीम इंडियाच्या संघात अनेक बदल पाहायला मिळाले आहेत. तर धडाकेबाज फलंदाज सूर्यकुमार यादवला कसोटी संघातून वगळण्यात आले आहे.
सूर्यकुमार यादव त्यानंतर आता टीम इंडियाऐवजी दुसऱ्या टीमसोबत खेळताना दिसणार आहे. सूर्यकुमार यादवला कसोटी संघात संधी मिळाली नाही तर त्याची वनडे संघात निवड झाली आहे.
वर्ल्ड टेस्ट चॅम्पियनशिपच्या अंतिम सामन्यात डॅशिंग बॅट्समन सूर्यकुमार यादवचा स्टँडबाय म्हणून टीम इंडियामध्ये समावेश करण्यात आला होता. तर सूर्यकुमार यादवचाही ऑस्ट्रेलियाविरुद्धच्या बॉर्डर गावसकर ट्रॉफीमध्ये संघात समावेश करण्यात आला होता. सूर्याने ऑस्ट्रेलियाविरुद्ध पदार्पण केले होते. पण वेस्ट इंडिजविरुद्धच्या कसोटी संघात संधी मिळाली नाही. त्यानंतर आता सूर्यकुमार यादवने भारतीय संघाऐवजी दुसऱ्या संघासोबत खेळण्याचा निर्णय घेतला आहे.
टीम इंडियात स्थान न मिळाल्याने भारतीय संघाचा घातक फलंदाज सूर्यकुमार यादवने आता दुलीप ट्रॉफी खेळण्याचा निर्णय घेतला आहे. आधी पण सूर्या दुलीप ट्रॉफीमध्ये पश्चिम विभागीय संघाकडून खेळताना दिसणार होता. तर सूर्यासह कसोटी संघातून वगळलेला वरिष्ठ फलंदाज चेतेश्वर पुजाराही या संघात खेळताना दिसणार आहे.
दुलीप ट्रॉफी 28 जूनपासून सुरू होणार असून ती 16 जुलैपर्यंत खेळवली जाणार आहे. यानंतर सूर्यकुमार यादव वेस्ट इंडिजला रवाना होईल कारण यानंतर त्याला वेस्ट इंडिजविरुद्ध एकदिवसीय मालिका खेळायची आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
