Wi vs Ind 1st ODI Suryakumar Yadav : भारत आणि वेस्ट इंडिज यांच्यातील तीन एकदिवसीय सामन्यांच्या मालिकेतील पहिला सामना गुरुवारी खेळला गेला. टीम इंडियाने हा सामना 5 विकेटने जिंकला. भारताच्या विजयात गोलंदाजांनी महत्त्वाची भूमिका बजावली. मात्र फलंदाजांनी पुन्हा एकदा आपल्या कामगिरीने चाहत्यांना नाराज केले.
115 धावांच्या कमी धावसंख्येचा पाठलाग करताना टीम इंडियाने आपल्या पाच विकेट गमावल्या. या सामन्यात पुन्हा एकदा रोहित शर्माचा सर्वात विश्वासू खेळाडू सपशेल अपयशी ठरला. हा खेळाडू बऱ्याच दिवसांपासून फ्लॉप ठरला आहे, पण रोहित शर्मा त्या खेळाडूला सतत संधी देत आहे.
वेस्ट इंडिजविरुद्ध खेळल्या गेलेल्या पहिल्या एकदिवसीय सामन्यात टीम इंडियाच्या एका खेळाडूने पुन्हा एकदा चाहत्यांना नाराज केले. गेल्या दीड वर्षात सूर्यकुमार यादवने टी-20 क्रिकेटमध्ये आपली जागा पक्की केली आहे. आपल्या फलंदाजीची शैली आणि वेगवेगळे फटके मारून क्षेत्ररक्षण भेदण्याची क्षमता याच्या जोरावर सूर्याने सध्याच्या सर्वात लहान फॉरमॅटच्या सर्वोत्तम फलंदाजाचा दर्जा मिळवला आहे.
वेस्ट इंडिजविरुद्धच्या एकदिवसीय सामन्यात सूर्या आपल्या फलंदाजीने चमकेल अशी चाहत्यांची अपेक्षा होती, मात्र तो पुन्हा एकदा चांगली कामगिरी करण्यात अपयशी ठरला. पहिल्या वनडेत सूर्यकुमार यादवला 25 चेंडूत केवळ 19 धावा करता आल्या.
सूर्यासाठीही ही खेळी महत्त्वाची होती कारण त्याआधी एकदिवसीय सामन्यातील त्याच्या शेवटच्या 3 डाव दु:स्वप्नासारखे होते. मार्चमध्ये ऑस्ट्रेलियाविरुद्धच्या तीनही एकदिवसीय सामन्यांमध्ये तो प्रत्येक चेंडूवर खाते न उघडता बाद झाला होता. बार्बाडोसमध्ये खाते उघडण्यात त्याला यश आले. त्याने त्याच्या आवडत्या हुक शॉटवर विकेटच्या मागे षटकारही मारला. मात्र, हे फार काळ टिकले नाही आणि तो एलबीडब्ल्यू आऊट झाला.
एकदिवसीय क्रिकेटमध्ये सूर्याला अद्याप छाप पाडता आलेली नाही. त्याच्या शेवटच्या 10 डावांवर नजर टाकल्यास त्याने फक्त 112 धावा केल्या आहेत. (वेस्ट इंडीजविरुद्ध 19, ऑस्ट्रेलियाविरुद्ध 0 ,0 ,0, न्यूझीलंडविरुद्ध14, 31, श्रीलंकाविरुद्ध 4, न्यूझीलंडविरुद्ध 6, 34, 4) त्या कामगिरीमुळे प्लेइंग 11 मध्ये सूर्याच्या निवडीवर आता प्रश्न उपस्थित केले जात आहेत.
एकदिवसीय क्रिकेटमध्ये सूर्याने 24 सामन्यांत केवळ 23.79 च्या सरासरीने 452 धावा केल्या आहेत. अशा स्थितीत वनडे संघात कायम राहण्यासाठी त्याला लवकरच काहीतरी आश्चर्यकारक करावे लागेल. अन्यथा संघ व्यवस्थापन त्याच्या जागी इतर कोणत्याही खेळाडूला संधी देऊ शकते.
भारत आणि वेस्ट इंडिज यांच्यात खेळल्या गेलेल्या सामन्याबद्दल बोलायचे तर, टीम इंडियाचा कर्णधार रोहित शर्माने या सामन्यात नाणेफेक जिंकून गोलंदाजी करण्याचा निर्णय घेतला. या सामन्यात प्रथम फलंदाजी करण्यासाठी उतरलेल्या वेस्ट इंडिजचा संघ 23 षटकात 114 धावांवर सर्वबाद झाला. यादरम्यान टीम इंडियाच्या फिरकी गोलंदाजांनी अप्रतिम कामगिरी केली. दुसऱ्या डावात टीम इंडियाने 23व्या षटकात या लक्ष्याचा पाठलाग करत सामना जिंकला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
