Suryakumar Yadav IND VS SA : टीम इंडियाचा धडाकेबाज फलंदाज सूर्यकुमार यादवची या वर्षी T20 आंतरराष्ट्रीय क्रिकेटमध्ये दमदार कामगिरी सुरूच आहे. तिरुवनंतपुरम येथे बुधवार 28 सप्टेंबरला दक्षिण आफ्रिकेविरुद्ध खेळल्या गेलेल्या तीन सामन्यांच्या T20I मालिकेतील पहिल्या सामन्यात सूर्यकुमार यादवने एक मोठा विश्वविक्रम केला. षटकारांचा पाऊस पाडत त्याने यावर्षी T20I क्रिकेटमध्ये नवा विश्वविक्रम केला आहे.
सूर्यकुमार यादव एका वर्षात T20 आंतरराष्ट्रीय क्रिकेटमध्ये सर्वाधिक षटकार मारणारा फलंदाज ठरला आहे. त्याने यावेळीस पाकिस्तान संघाचा सलामीवीर मोहम्मद रिझवानला मागे टाकले आहे. ज्याने गेल्या वर्षी आंतरराष्ट्रीय क्रिकेटच्या सर्वात लहान फॉरमॅटमध्ये 42 षटकार ठोकले होते. 2021 मध्येच न्यूझीलंडच्या मार्टिन गुप्टिलने T20I क्रिकेटमध्ये 41 षटकार ठोकले होते. पण आता सूर्याने त्याला मागे टाकले आहे.
सूर्यकुमार यादवने 2022 मध्ये 45 षटकार मारले आहेत. त्याने यावर्षी 21 सामने खेळले आहेत. या वर्षातील सर्वात आक्रमक आणि धडाकेबाज T20I फलंदाज म्हणून त्याच्याकडे पाहिले जात आहे. गेल्या वर्षी त्याने आंतरराष्ट्रीय क्रिकेटमध्ये पदार्पण केले होते. तेव्हापासून फॉर्ममधून बाहेर गेला नाही.
T20I क्रिकेटमध्ये एका वर्षात सर्वाधिक षटकार
45 - सूर्यकुमार यादव (2022)*
42 - मोहम्मद रिझवान (2021)
41 - मार्टिन गप्टिल (2021)
37 - एविन लुईस (2021)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
