रोहित शर्मावर चोरीचा आरोप; खरचं हिटमॅन चोरी करू शकतो का?

दुबई : टी-20 वर्ल्ड कपला सुरुवात झाली आहे. यामुळे एकमेकांवर डिवचणे होणारच आहे. भारत सद्या सराव सामना खेळत आहे. पहिल्या सराव सामन्यात हिटमॅन रोहित शर्मा खेळला नाही. त्यामुळे त्याच्या फलंदाजीची जादू चाहत्यांना पाहायला मिळायची आहे. खेळण्यापूर्वीच रोहित वादात सापडला आहे. ऑस्ट्रेलियन संघाचा डावखुरा फलंदाज डेव्हिड वॉर्नरने रोहितवर चक्क चोरीचा आरोप कोला आहे. यामुळे एकच खळबळ उडाली आहे.

ऑस्ट्रेलियाचा संघ सर्वाधिक भारतीय संघाला घाबरतो. कारण, क्रिकेट विश्वात त्यांना टक्कर देण्याची ताकद फक्त भारतीय संघात आहे. यामुळे दोन्ही देशांमध्ये द्विपक्षीय मालिका सुरू होण्याआधीच एकमेकांवर दबाव टाकण्याचा प्रयत्न केला जातो. आता तर ऑस्ट्रेलियाच्या खेळाडूने कहरच केला आहे. त्याने चक्क रोहित शर्मावर चोरीचा आरोप करून सर्वांच्या नजरा आपल्याकडे ओढून घेतल्या आहे.

आयसीसीद्वारे आयोजित होणाऱ्या विश्वचषकात प्रत्येक संघ नवीन जर्सी परिधान करून खेळत असतो. भारतीय संघही टी-२० विश्वचषकात नवीन जर्सी घालणार आहे. या जर्सीचे १३ ऑक्टोबर रोजी अनावरण झाले होते. त्यानंतर अनेक खेळाडूंनी नवीन जर्सी परिधान करून नवा लुक आपापल्या सोशल मीडिया अकाऊंट्सवर शेअर केला.

रोहितनेही आपल्या विशेष पद्धतीने भारतीय जर्सी सोशल मीडियावर व्हायरल केली. रोहितने इंस्टाग्रामवर हा व्हिडिओ पोस्ट केल्यानंतर डेव्हिड वॉर्नरने गमतीदार कमेंट करीत रोहितवर चोरीचा आरोप केला. रोहितच्या पोस्टवर ‘तू माझ्या टीक टॉक स्टाईलची कॉपी करीत आहेस’ असे वॉर्नरने कमेंच केली आहे. चोरीचा आरोप केल्याने रोहितच्या चाहत्यांच्या भोवया उंचावल्या होत्या. दुसरीकडे सराव सामन्याआधी दबाव टाकण्याचे त्याने असे कमेंच केल्याचे बोलले जात आहे.