T20 World Cup 2022 : टीम इंडिया 2022 च्या T20 विश्वचषक स्पर्धेत पाकिस्तानविरुद्धच्या मोहिमेला सुरुवात करण्यापूर्वी ऑस्ट्रेलियाविरुद्ध सराव सामना खेळत आहे. सराव सामन्यात टीम इंडियाच्या केएल राहुलने आपल्या फलंदाजीचा तुफानी ट्रेलर संपूर्ण जगाला दाखवला आहे. राहुलने या सराव सामन्यात फलंदाजाने ऑस्ट्रेलियन गोलंदाजांचा धुव्वा उडवला. केएल राहुलने स्पष्ट केले आहे की, जेव्हा टी-20 विश्वचषकाचे मुख्य सामने येतात त्यासाठी सज्ज आहे.
टीम इंडियाचा स्टार ओपनिंग बॅट्समन केएल राहुलने टी-20 वर्ल्डकपच्या सराव सामन्यात 27 चेंडूत झंझावाती अर्धशतक ठोकले. केएल राहुलने या सामन्यात 33 चेंडूत 57 धावांची स्फोटक खेळी खेळली. ज्यात 6 चौकार आणि 3 षटकारांचा समावेश होता.
ऑस्ट्रेलियाविरुद्धच्या सराव सामन्यात रोहित शर्मा आणि केएल राहुल ही जोडी टीम इंडियासाठी सलामीला आली. रोहित शर्मा संथ फलंदाजी करत असताना दुसरीकडे केएल राहुल आपल्या फलंदाजीने ऑस्ट्रेलियन गोलंदाजांना घाबरवत होता. केएल राहुल आणि रोहित शर्मा यांनी 7.3 षटकात 78 धावांची सलामी दिली. गुरुवारीच केएल राहुलने वेस्टर्न ऑस्ट्रेलियाविरुद्धच्या सराव सामन्यात 74 धावांची धडाकेबाज खेळी खेळली. राहुलचा फॉर्म एक प्रकारे भारतीय चाहत्यांसाठी चांगली बातमी आहे. केएल राहुलने एकदा त्याचा वेग पकडला की त्याला रोखणे फार कठीण असते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
