T20 World Cup 2022 : दक्षिण आफ्रिका आणि नेदरलँड्स यांच्यात अॅडलेड ओव्हलवर खेळल्या गेलेल्या सामन्यात नेदरलँड्स संघाने मोठा धुव्वा उडवला आहे. नाणेफेक गमावून प्रथम फलंदाजी करणाऱ्या नेदरलँड संघाने निर्धारित षटकांत चार गडी गमावून १५८ धावा केल्या. त्याचवेळी लक्ष्याचा पाठलाग करताना आफ्रिकेचा संघ निर्धारित षटकांत 8 गडी गमावून 145 धावांवर थांबला. अशाप्रकारे नेदरलँड संघाने शेवटच्या सामन्यात 13 धावांनी रोमहर्षक विजय मिळवला.
या विजयासह आधीच बाहेर पडलेल्या नेदरलँड्स संघाने बलाढ्य दक्षिण आफ्रिकेला स्पर्धेतून बाहेर काढले. यासोबतच भारतीय संघ 6 गुणांसह उपांत्य फेरीत पोहोचला आहे. आता पाकिस्तान आणि बांगलादेश यांच्यातील सामना जिंकणारा संघ गट-2 मधून उपांत्य फेरीसाठी पात्र ठरेल.
लक्ष्याचा पाठलाग करताना दक्षिण आफ्रिकेच्या संघाला 21 धावावर पहिला धक्का बसला. त्यानंतर ठराविक अंतरावर विकेट पडत राहिल्या. त्यामुळे दक्षिण आफ्रिकेच्या संघाला षटकात 8 गडी गमावून 145 धावा करता आल्या. दक्षिण आफ्रिकेकडून रिले रुसोने सर्वाधिक 25 धावांची खेळी खेळली. याशिवाय हेनरिक क्लासने 21 आणि टेंबा बावुमाने 20 धावा केल्या.
तत्पूर्वी, नाणेफेक हारल्यानंतर प्रथम फलंदाजी करताना नेदरलँड्सने 4 विकेट गमावून 158 धावा केल्या. स्टीफन मायबर्ग आणि मॅक्स ओ'डौड यांनी पहिल्या विकेटसाठी 58 धावांची भागीदारी केली. नेदरलँड्सकडून कॉलिन अकरमनने 41 धावा केल्या. याशिवाय स्टीफन मायबर्गने 30 चेंडूत 37 धावा, टॉम कूपरने 19 चेंडूत 35 धावा आणि औदौडने 31 चेंडूत 29 धावा केल्या. दक्षिण आफ्रिकेकडून केशव महाराजने दोन, एनरिक नोरखिया आणि एडन मार्करामने प्रत्येकी एक विकेट घेतली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
