Shakib Al Hasan created history : वर्ल्ड कप स्पर्धेतील स्कॉटलंड विरुद्धच्या सलामीच्या लढतीत बांगलादेशच्या शाकिब अल हसनने खास विक्रमाला गवसणी घातली. आंतराष्ट्रीय टी-20 क्रिकेटमध्ये सर्वाधिक विकेट घेण्याचा लसिथ मलिंगाचा विक्रम मागे टाकत त्याने नवा विक्रम प्रस्थापित केलाय. 84 सामन्यात मलिंगाने 107 विकेट घेतल्या होत्या. आंतरराष्ट्रीय टी-20 क्रिकेटमधील ही सर्वोत्तम कामगिरी होती. हा पल्ला सर करुन शाकिबनं नवा विक्रम प्रस्थापित केला आहे.
स्कॉटलंडच्या डावातील 11 व्या षटकात शाकिबनं दोन विकेट घेत मलिंगाच्या विक्रम मागे टाकला. आता आंतरारष्ट्रीय टी-20 क्रिकेटमध्ये सर्वाधिक विकेट घेणाऱ्या गोलंदाजीत तो अव्वलस्थानी आहे. 89 सामन्यात त्याने हा पराक्रम करुन दाखवला असून 20 धावा खर्च करुन 5 विकेट ही त्याची सर्वोच्च कामगिरी आहे.
क्रिकेटच्या तिन्ही प्रकारात 1000 धावा आणि 100 विकेट्स घेणारा शाकिब एकमेव क्रिकेटर आहे. शाकिबने 2006 मध्ये टी-20 मध्ये पदार्पण केले होते. त्याचा हा सातवा टी-20 वर्ल्ड कप आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
