India squad for Ireland T20 : जवळपास एक वर्षानंतर वेगवान गोलंदाज जसप्रीत बुमरा याचे भारतीय क्रिकेट संघात पुनरागमन झालेले आहे.
अखिल भारतीय वरिष्ठ क्रिकेट निवड समितीकडून सोमवारी आयर्लंडविरुद्धच्या तीन सामन्यांच्या टी-२० मालिकेसाठी टीम इंडियाची घोषणा करण्यात आली. बुमरा याची कर्णधारपदी निवड करण्यात आली असून महाराष्ट्राचा ऋतुराज गायकवाड उपकर्णधारपदाची जबाबदारी सांभाळणार आहे.
भारत - आयर्लंड यांच्यामध्ये १८, २० आणि २३ ऑगस्ट या दरम्यान तीन सामने होतील. या मालिकेसाठी यशस्वी जयस्वाल, तिलक वर्मा, रिंकू सिंग, जितेश शर्मा, शिवम दुबे, रवी बिश्नोई या आयपीएलमध्ये दमदार कामगिरी करणाऱ्या खेळाडूंना संधी देण्यात आली आहे. आवेश खान व प्रसिद्ध कृष्णा यांचीही निवड झाली आहे. कृष्णा अखेरचा सामना गेल्या वर्षी झिम्बाब्वेविरुद्ध खेळला.
संघ : जसप्रीत बुमरा (कर्णधार), ऋतुराज गायकवाड (उपकर्णधार), यशस्वी जयस्वाल, तिलक वर्मा, रिंकू सिंग, संजू सॅमसन (यष्टिरक्षक), जितेश शर्मा (यष्टिरक्षक), शिवम दुबे, वॉशिंग्टन सुंदर, शाहबाज अहमद, रवी बिश्नोई, प्रसिद्ध कृष्णा, अर्शदीप सिंग, मुकेशकुमार, आवेश खान.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
