Cheteshwar Pujara : वर्ल्ड टेस्ट चॅम्पियनशिपच्या अंतिम सामन्यात टीम इंडियाला ऑस्ट्रेलियाविरुद्ध 209 धावांनी लाजिरवाण्या पराभवाला सामोरे जावे लागले. डब्ल्यूटीसी फायनलमध्ये टीम इंडियाला पराभूत होण्याची ही दुसरी वेळ होती.
या पराभवानंतर एक गोष्ट निश्चित आहे की आगामी काळात टीम इंडियामध्ये काही मोठे बदल होणार आहेत. विशेषत: संघाचा अनुभवी फलंदाज चेतेश्वर पुजाराच्या कामगिरीनंतर त्याच्या संघातील स्थानावर प्रश्नचिन्ह निर्माण झाले होते. मात्र, यादरम्यान या खेळाडूने मोठा निर्णय घेतला.
चेतेश्वर पुजारा जाणार इंग्लंडला
वेस्ट इंडिज दौऱ्यानंतर लगेचच चेतेश्वर पुजारा पुन्हा एकदा काऊंटीकडून खेळण्यासाठी इंग्लंडला जाणार आहे. पुजारा कौंटीमध्ये ससेक्सकडून खेळतो. पुजाराने WTC फायनलपूर्वी या मोसमात ससेक्ससाठी 6 सामने खेळले असून 8 डावात त्याने तीन शतके आणि एक अर्धशतक झळकावले आहे.
काउंटीमध्ये अप्रतिम कामगिरी
पुजाराने एप्रिलमध्ये डरहमविरुद्ध शतक झळकावून त्याच्या काउंटी हंगामाची सुरुवात केली आणि त्यानंतर ग्लॉस्टरशायर आणि वूस्टरशायरविरुद्ध शतके झळकावली. त्याने खेळलेल्या 6 सामन्यांमध्ये तो ससेक्सचा कर्णधार देखील होता, जिथे त्याने 68.12 च्या सरासरीने 545 धावा केल्या. गतवर्षीप्रमाणेच तो रॉयल लंडन चषक स्पर्धेतही भाग घेणार आहे.
अर्शदीप पण खेळतो कौंटी
सध्या काउंटी सर्किटमध्ये एकमेव भारतीय डावखुरा वेगवान गोलंदाज अर्शदीप सिंग आहे, जो त्याच्या पहिल्या काऊंटी हंगामात केंटकडून खेळत आहे. त्याने आतापर्यंत एका सामन्यात 90 धावांत 2 बळी घेतले आहेत. या मोसमासाठी लीसेस्टरशायरने टीम इंडियाचा आणखी एक स्टार खेळाडू अजिंक्य रहाणेला करारबद्ध केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
