हिटमॅन रोहित दुखापतग्रस्त; आफ्रिका दौऱ्यावरील कसोटीला मुकणार?

Ind Vs SA, Rohit Sharma Injured : दक्षिण आफ्रिका दौऱ्यापूर्वी भारतीय क्रिकेट संघाला मोठा धक्का बसलाय. कसोटी संघाचा उप-कर्णधार रोहित शर्माला (Rohit Sharma) सरावादरम्यान दुखापत झाल्याचे वृत्त आहे. दक्षिण आफ्रिका दौऱ्यासाठी सज्ज टीम इंडियातील (Team India) खेळाडू मुंबईमध्ये (Mumbai) सराव करत आहेत.

एका इंग्रजी वृत्तानुसार, मुंबईमध्ये सरावा दरम्यान रोहित शर्मा दुखापतग्रस्त झाला. तो फलंदाजी करत असताना भारतीय संघातील थ्रो-डाउन एक्सपर्ट रघु यांचा चेंडू लागल्याने रोहितच्या हाताला दुखापत झाली आहे. चेंडू लागल्यानंतर रोहितनं काहीकाळ फलंदाजी केली. पण त्याला शेवटी मैदान सोडावे लागले. त्याची दुखापत गंभीर असली तर टीम इंडियाचं टेन्शन वाढू शकते. बीसीसीआयने अद्याप यासंदर्भात कोणतीही अधिकृत प्रतिक्रिया दिलेली नाही.

अशी आहे दक्षिण आफ्रिका दौऱ्यासाठीचा भारतीय कसोटी संघ

विराट कोहली (कर्णधार), रोहित शर्मा (उप-कर्णधार), केएल राहुल, मयंक अग्रवाल, चेतेश्वर पुजारा, अजिंक्य रहाणे, श्रेयस अय्यर, हनुमा विहारी, ऋषभ पंत, ऋद्धिमान साहा, रविचंद्रन अश्विन, जयंत यादव, ईशांत शर्मा, मोहम्मद शमी, उमेश यादव, जसप्रीत बुमराह, शार्दुल ठाकुर, मोहम्मद सिराज.